Լեգենդար դերասան Լեոնարդո Դի Կապրիոն հուզիչ կերպով արձագանքել է Հռոմի պապ Ֆրանցիսկոսի մահվան լուրին, ով կյանքից հեռացել է 88 տարեկանում։
Դի Կապրիոն հիշեցրել է իրենց անձնական հանդիպումը Վատիկանում դեռևս 2016 թվականին, երբ նկարահանվում էր իր վավերագրական ֆիլմը կլիմայական փոփոխությունների մասին՝ «Մինչև հեղեղը» (Before the Flood)։ Նա այդ հանդիպումը նկարագրել է որպես «խորը հուզիչ և բացահայտող փորձ»։
Ամերիկացի դերասանը հատուկ ընդգծել է, որ Ֆրանցիսկոսը «հեղափոխական առաջնորդ էր ոչ միայն Կաթոլիկ եկեղեցու, այլև ողջ աշխարհի համար», մասնավորապես՝ շրջակա միջավայրի պաշտպանության ոլորտում։Դի Կապրիոն հիշեցրել է նաև 2015 թվականին հրապարակված Laudato Si էնցիկլիկան, որով Պապը կոչ էր անում գլոբալ քայլերի կլիմայի դեմ պայքարում։ Նա նշել է նաև պապական 2023-ի փաստաթուղթը, որը ևս մեկ անգամ հաստատում էր Պապի էկոլոգիական նվիրվածությունը։
Ինստագրամում հրապարակած գրառման մեջ դերասանը կիսվել է նաև իրենց հանդիպման լուսանկարներով՝ գրելով, որ Հռոմի պապ Ֆրանցիսկոսը իր սերնդի «ամենամեծ հոգևոր առաջնորդներից մեկն էր»։Լեոնարդոյի կողքին իրենց ցավակցություններն են հայտնել նաև Սիլվեստր Ստալոնեն, Վուպի Գոլդբերգը և այլ հայտնիներ՝ նշելով Պապի բարության, համեստության և համամարդկային արժեքների ուժը։
