ԱՄՆ նախագահ Դոնալդ Թրամփի առևտրային մաքսատուրքերը և Գրենլանդիան միացնելու սպառնալիքները ստիպել են Նորվեգիային և Իսլանդիային մտածել Եվրամիությանն անդամակցելու մասին: Այս մասին գրում է ֆրանսիական Le Figaro թերթը։
Ինչպես հիշեցնում է հրատարակությունը, Նորվեգիան և Իսլանդիան Շենգենյան և Եվրոպական տնտեսական տարածքի մաս են կազմում և կիրառում են միասնական շուկայի կարգավորման կանոնները, սակայն չունեն ձայնի իրավունք։ Այն բանից հետո, երբ ԱՄՆ-ը նոր մաքսատուրքեր մտցրեց, նորվեգացի որոշ քաղաքական գործիչներ այլևս բավարարված չէին անորոշությամբ։
«Նորվեգիային պետք է Եվրոպան, իսկ Եվրոպային՝ Նորվեգիան»,- ավելի վաղ հայտարարել էր երկրի վարչապետ Յոնաս Գահր Ստյորեն։ Պահպանողական ընդդիմության առաջնորդ Էդնա Սոլբերգը, ով կարող է իշխանության գալ սեպտեմբերին կայանալիք ընտրություններից հետո, նույնպես հանդես է եկել ԵՄ-ին երկրի անդամակցության օգտին։
Նորվեգիան նախկինում արդեն երկու անգամ հրաժարվել է Եվրամիությանն անդամակցելուց՝ 1972 և 1984 թվականների հանրաքվեներից հետո: Le Figaro-ի տվյալներով՝ սկանդինավյան երկրի բնակչության 43%-ը դեռ չի պաշտպանում նման նախաձեռնությունը, իսկ 37%-ը կողմ է եղել:
