Ամերիկացի հայտնի ռեփեր Քանյե Ուեսթը կրկին զարմացրել է իր հետևորդներին։
Նա հայտարարել է, որ իր հուղարկավորությունը պետք է տևի ամբողջ շաբաթ և ունենա մուտքավճար։ Ուեսթն ընդգծել է, որ մահից հետո ցանկանում է, որպեսզի իրեն զմռսեն, իսկ յուրաքանչյուր օր ծրագրված է 10 ժամ տևողությամբ հոգևոր արարողություն։
Նա նաև նշել է, որ հավաքագրված բոլոր միջոցները պետք է ուղղվեն հարակից թաղամասերի բարեկարգմանը։
Ուեսթի շոկային հայտարարությունները միայն դրանով չեն ավարտվել։ Ավելի վաղ նա հարցազրույցում հայտարարել էր, որ սկզբում ընդհանրապես չէր նախատեսում երեխաներ ունենալ իր նախկին կնոջ՝ Քիմ Քարդաշյանի հետ, քանի որ չէր պատկերացնում նրան՝ որպես իր երեխաների մայր։ Այս խոսքերը մեծ քննադատության են արժանացել համացանցում. օգտատերերն անվանել են դրանք «անիմաստ հուզական պահեր»։
Բացի այդ, Ուեսթը նոր՝ BIANCA երգում խոստովանել է, որ բաժանվել է Բյանկա Չենսորիից։ Երգի տեքստում նա գրում է, որ սիրելին իրենից «փախել է»։ Մյուս՝ Jesus Walk ստեղծագործության մեջ ռեփերը ակնարկում է, որ Maybach հավելվածի միջոցով հետևում է իր նախկին կնոջը, միևնույն ժամանակ քննադատելով Չենսորիի հարազատներին, որոնք «փորձում են նրան փակել տանը»։
