Հնդկաստանը գործարք է կնքել ԱՄՆ-ի հետ՝ ազգային զինված ուժերի համար 31 հեռահար MQ-9B Predator անօդաչու թռչող սարքեր (ԱԹՍ) ձեռք բերելու վերաբերյալ: Ինչպես հայտնում է Press Trust of India-ն, անօդաչու թռչող սարքերը ձեռք են բերվելու General Atomics ընկերությունից՝ միջկառավարական համաձայնագրի շրջանակներում։
Գործակալության տվյալներով՝ Հնդկաստանի ռազմածովային ուժերը կստանան Sea Guardian-ի 15 մոդիֆիկացիա, իսկ Հնդկաստանի ռազմաօդային ուժերն ու բանակը կստանան 8 Sky Guardian մեքենա, ինչպես ավելի վաղ հաղորդվել էր, անօդաչուների մատակարարումները նախատեսվում է սկսել գործարքի կնքումից հետո չորս տարվա ընթացքում։
Նախկինում Հնդկաստանը General Atomics-ից վարձակալել էր երկու Sea Guardian անօդաչու թռչող սարք՝ Predator-ի անզեն տարբերակը: Դրանք օգտագործվում են ծովում իրավիճակը իրական ժամանակում վերահսկելու համար։ Երկու հետախուզական անօդաչուների վարձակալության ժամկետն ավարտվել է 2024 թվականի հունվարին, սակայն Հնդկաստանի ռազմածովային ուժերը երկարացրել են այն ևս չորս տարով։
