Պաղեստինյան Գազայի հատվածում վերջին 24 ժամում զոհերի թիվը հասել է 40-ի, վիրավորվել՝ 73-ը, հինգշաբթի հայտնել է Գազայի հատվածի Պաղեստինի առողջապահության նախարարությունը։
«Վերջին 24 ժամվա ընթացքում Գազայի հատվածի հիվանդանոցներ են ընդունվել 40 զոհ և 73 վիրավոր: Մի քանի զոհ դեռ փլատակների տակ են և փողոցներում, իսկ շտապօգնության մեքենաներն ու քաղաքացիական պաշտպանության խմբերը չեն կարողանում հասնել նրանց»,- Պաղեստինի «Շեհաբ» լրատվական գործակալությունը մեջբերում է նախարարության սոցիալական ցանցի իր էջում։
Հայտարարության մեջ նշվում է, որ 2023 թվականի հոկտեմբերի 7-ից սկսած շարունակվող ռազմական գործողությունների հետևանքով զոհերի թիվը հասել է 51,065-ի, վիրավորվել է 116,505 մարդ: Մարտի 18-ից զոհերի թիվը հասել է 1691-ի, 4464-ը՝ վիրավորվել։
Մարտի 18-ի գիշերը Իսրայելի պաշտպանության բանակը վերսկսել է հարվածները Գազայի հատվածին։ Իսրայելի վարչապետ Բենիամին Նեթանյահուն ասել է, որ հարձակումները շարունակվում են, քանի որ պաղեստինյան ՀԱՄԱՍ շարժումը հրաժարվել է ընդունել հրադադարը երկարաձգելու և պատանդներին ազատելու ԱՄՆ ծրագիրը։
