Մոլդովայի խորհրդարանը սեպտեմբերի 28-ին նշանակել է օրենսդրական ընտրությունների օրը: Համապատասխան բանաձեւն ընդունվել է իշխող «Գործողություն և համերաշխություն» կուսակցության ձայներով նիստում, որը հեռարձակվել է խորհրդարանական մամուլի ծառայության կողմից:
«Խորհրդարանական ընտրությունների օր նշանակելու մասին որոշման նախագիծը հավանության է արժանացել 57 ձայնով»,- հայտարարել է օրենսդիր մարմնի նախագահ Իգոր Գրոսուն։ «Խորհրդարանական ընտրությունները նշանակել 2025 թվականի սեպտեմբերի 28-ին: Սույն որոշումն ուժի մեջ է մտնում պաշտոնական հրապարակման օրվանից»,- ասված է բանաձևում, որն ընթերցել է խորհրդարանական իրավական հանձնաժողովի ղեկավար Վերոնիկա Ռոսկան։
Ընդդիմադիր Կոմունիստների և սոցիալիստների դաշինքն առաջարկել է խորհրդարանական ընտրությունները նշանակել հուլիսի վերջին, սակայն նախաձեռնությունը աջակցություն չի ստացել։ Մինչ ընտրությունների ամսաթիվը նշանակելը, երկրի նախագահ Մայա
Սանդուն ելույթ ունեցավ խորհրդարանում և ընտրողներին ուղղված իր ուղերձում խոսեց եվրոպամետ կուրսի պահպանման կարևորության մասին։
Մոլդովան խորհրդարանական հանրապետություն է, որտեղ վարչապետի թեկնածությունը և կառավարության կազմը պետք է հաստատեն օրենսդիրները։ Ընտրություններն անցկացվում են մեկ ընտրատարածքում։
