ԱՄՆ ֆինանսների նախարար Սքոթ Բեսենտը հայտարարել է, որ Կիևի հետ ռեսուրսների վերաբերյալ համաձայնագիրը կարող է ստորագրվել արդեն այս շաբաթ։
«Մենք շատ, շատ մոտ ենք: Ստորագրումը կարող է լինել նույնիսկ այս շաբաթ»,- ասել է Բեսենտը Bloomberg-ին տված հարցազրույցում՝ մեկնաբանելով Կիևի հետ բանակցությունների կարգավիճակը։
Գործակալության տվյալներով՝ Բեսենթն ասել է, որ հանգստյան օրերին կայացած հանդիպմանը Ուկրաինան հանդես է եկել համաձայնագրի հակաառաջարկով, և բանակցությունները դեռ շարունակվում են։
Ավելի վաղ Reuters-ը, հղում անելով իրավիճակին ծանոթ անանուն աղբյուրին, հայտնել էր, որ Վաշինգտոնում ուկրաինական և ամերիկյան պատվիրակությունների միջև հանքային ռեսուրսների վերաբերյալ գործարքի շուրջ բանակցություններն անցել են «հակասականության» մթնոլորտում։
Միևնույն ժամանակ, Ուկրաինայի եվրոպական և եվրաատլանտյան ինտեգրման հարցերով փոխվարչապետ Օլհա Ստեֆանիշինան երկուշաբթի ասել է, որ Կիևը և Վաշինգտոնը որոշակի պայմանավորվածություններ են ձեռք բերել ուկրաինական ռեսուրսների օգտագործման վերաբերյալ համաձայնագրի շուրջ, սակայն գործարքը կնքելու համար լրացուցիչ փուլեր են անհրաժեշտ։
