Վրաստանը նոր դեսպաններ է նշանակել Ավստրիայում, ԱՄԷ-ում, Ուզբեկստանում և Բելառուսում, ինչպես նաև ներկայացուցիչներ տարբեր միջազգային կազմակերպություններում։
Ալեքսանդր Մաիսուրաձեն դարձել է Ավստրիայում Վրաստանի դեսպանը, ինչպես նաև մշտական ներկայացուցիչը ԵԱՀԿ-ում և Վիեննայում տեղակայված այլ միջազգային կազմակերպություններում։ Մաիսուրաձեն դիվանագիտական ծառայության մեջ է 1998 թվականից։ Նախկինում նա եղել է Վրաստանի մշտական ներկայացուցիչը ՆԱՏՕ-ում և Ժնևում ՄԱԿ-ի գրասենյակում, հայտնում է «News Georgia» պորտալը։
Ժնևում ՄԱԿ-ում Վրաստանի մշտական ներկայացուցիչ է դարձել Ռևազ Լոմինաձեն։ Նախկինում նա եղել է Վրաստանի արտակարգ և լիազոր դեսպանը Կիպրոսում և Շվեյցարիայում։
ԱՄԷ-ում Վրաստանի դիվանագիտական ներկայացուցչությունը կգլխավորի Գիորգի Ջանջգավան։ 1994 թվականից տարբեր պաշտոններ է զբաղեցրել Վրաստանի ԱԳՆ-ում, եղել է դեսպան Թուրքիայում, Սաուդյան Արաբիայում, Եգիպտոսում, Սիրիայում, Իրանում և Պակիստանում։
Դավիթ Կոտարիան, ով նախկինում զբաղեցրել է Բելառուսի դեսպանի պաշտոնը, դարձել է Ուզբեկստանում Վրաստանի դեսպանը։
Բելառուսում Վրաստանի դեսպան է նշանակվել Գեորգի Սագանելիձեն, ով նախկինում նմանատիպ պաշտոն է զբաղեցրել Հայաստանում։
Թարգմանությունը՝ Մանուել Թամազյանի
