Արամ Ա Վեհափառ Հայրապետը ընդունել է Հունաստանի համայնքների և կրոնական հարցերի ընդհանուր տնօրենին։ Հայտնում են Կաթողիկոսության մամուլի ծառայությունից․ «Երկուշաբթի, 17 Մարտ 2025-ին, Ն.Ս.Օ.Տ.Տ. Արամ Ա. Վեհափառ Հայրապետին այցելեց Յունաստանի համայնքներու եւ կրօնական հարցերու ընդհանուր տնօրէն Ճորճիոս Քալանցիս, ընկերակցութեամբ Լիբանանի մօտ Յունաստանի դեսպան Տեսփինա Քուքուլոփուլուին:
Ճորճիոս Քալանցիս միօրեայ այցելութեամբ Լիբանան այցելած էր՝ Վեհափառ Հայրապետին հետ քննարկելու Յունաստանի հայ գաղութի հետ աղերս ունեցող շարք մը հարցեր:
Նորին Սրբութիւնը իր գոհունակութիւնը յայտնեց Յունաստանի հայ համայնքին եւ պետական կառոյցներուն միջեւ գոյութիւն ունեցող սերտ գործակցութեան, ապա յիշելով հայ-յոյն եկեղեցիներու պատմական յարաբերութիւնը, ան շեշտեց վերանորոգ կերպով զայն շարունակելու հրամայականը:
Յայտնենք, որ ընդհանուր տնօրէնը Վեհափառ Հայրապետը հրաւիրեց Աթէնք՝ ներկայ գտնուելու Նորին Սրբութեան հեղինակած «Հայ Եկեղեցին» գիրքի յունարէն թարգմանութեան ներկայացումին:
Ապա, դեսպանը եւ ընդհանուր տնօրէնը ճաշի հիւրը եղան Վեհափառ Հայրապետին»:
