Գերմանիայի նախկին կանցլեր Անգելա Մերկելը հայտարարել է, որ ավելի լավ կլիներ չտեսներ ԱՄՆ նախագահ Դոնալդ Թրամփի և Ուկրաինայի նախագահ Վլադիմիր Զելենսկու վիճաբանությունը Սպիտակ տանը։ Նրա խոսքերը մեջբերում է Berliner Zeitung-ը։
«Ես չեմ ուզում մեկնաբանել այս ամենը. Միայն կասեմ, որ կնախընտրեի չտեսնել այս հանդիպումը»,- ասաց նա։
Նրա խոսքով՝ այս հանդիպումը «տեսել է ամբողջ Ռուսաստանը», այդ թվում՝ ՌԴ նախագահ Վլադիմիր Պուտինը։
Մերկելն ասել է, որ զրույցը «շատ ճնշող» է եղել և հավելել, որ երբեք չի ցանկանա նման իրադարձությունների ականատես լինել։
Վաշինգտոնում ուկրաինացի և ամերիկացի առաջնորդների բանակցությունները տեղի են ունեցել փետրվարի 28-ին, որոնք ավարտվել են բանավոր վիճաբանությամբ։ Զրույցի ընթացքում Թրամփը Զելենսկիին մեղադրել է կրակը դադարեցնելուց հրաժարվելու և իր երկրին անհարգալից վերաբերմունք ցուցաբերելու մեջ։
Թարգմանությունը՝ Մանուել Թամազյանի
