Apple-ը կոչ է արել iPhone-ի իր 1,4 միլիարդ օգտատերերին ամբողջ աշխարհում անհապաղ տեղադրել iOS 18.3.2 օպերացիոն համակարգի վերջին թարմացումը: Նման հրատապ միջոցառումների պատճառը եղել է անվտանգության կարևոր խոցելիության հայտնաբերումը, որը, ըստ ընկերության, օգտագործվում է «չափազանց բարդ հարձակումների համար»: Այս մասին հայտնում է Daily Mail-ը։
Նոր թարմացումը նախատեսված է պաշտպանելու Apple-ի օգտատերերին CVE-2025-24201 զրոյական օրվա խոցելիությունից: Խնդիրը հայտնաբերվել է WebKit-ում, որը դիտարկիչի շարժիչն է, որն օգտագործվում է Safari-ի iOS տարբերակում:
Հարձակվողներն օգտագործում են այս խոցելիությունը որպես «բաց դուռ»՝ վնասակար կայքեր ստեղծելու համար: Նման էջեր այցելելը կարող է թույլ տալ հաքերներին մուտք գործել սմարթֆոնի այլ տարածքներ զոհի բրաուզերից դուրս:
Apple-ը խստորեն խորհուրդ է տալիս բոլոր օգտատերերին տեղադրել iOS 18.3.2, որն այժմ հասանելի է ներբեռնման համար: Դա անելու համար անցեք «Կարգավորումներ» և ստուգեք թարմացման առկայությունը «Ընդհանուր» «Ծրագրաշարի թարմացում» բաժնում:
Տեխնոլոգիական հսկան նախազգուշացրել է, որ խնդիրը կարող է ազդել iPhone XS-ի և ավելի ուշ մոդելների օգտատերերի վրա:
Թարգմանությունը՝ Մանուել Թամազյանի
