Վրաստանի գլխավոր դատախազությունը չի բողոքարկի հանրապետության նախկին նախագահ Միխայիլ Սաակաշվիլիի 9-ամյա պատիժը՝ ավելի քան 3,2 մլն դոլարի յուրացման համար։
«Վրաստանի դատախազությունը Թեյմուրազ Ջանաշիայի վերաբերյալ դատարանի որոշումը կբողոքարկի վերադաս դատարան՝ օրենքով սահմանված ժամկետում», -Eadaily-ի փոխանցմամբ՝ ասվում է դատախազության հայտարարության մեջ։
Դատախազությունը թվարկել է այն հանգամանքները, որոնց պատճառով Սաակաշվիլին մեղադրվել է բյուջետային միջոցների յուրացման մեջ։ Նախկին նախագահը պետական գումարներ է ծախսել կոսմետիկ պրոցեդուրաների, նվերների, ինքնաթիռի տոմսերի և մերձավոր մարդկանց արձակուրդներ կազմակերպելու, գնել է նկարչուհու կտավը, որը նա կրծքով էր նկարել, իսպանացի խոհարարի հանգիստը Պհուկետում կազմակերպելու և ֆինանսավորել իր երեխաներին արտասահմանում կրթությունը։
Մարտի 12-ին Թբիլիսիի քաղաքային դատարանը Սաակաշվիլիին մեղավոր է ճանաչել ավելի քան 3,2 միլիոն դոլար պետական միջոցների յուրացման մեջ և դատապարտել 9 տարվա ազատազրկման։ Սաակաշվիլիի անվտանգության նախկին ղեկավար Թեյմուրազ Ջանաշիան նույնպես մեղավոր է ճանաչվել և տուգանվել 300 հազար լարիով։
Սաակաշվիլին երրորդ անգամ է դատապարտվել՝ «պիջակի գործով»։ Նա ճաղերի հետևում կմնա առնվազն մինչև 2030 թվականը, և նրա դեմ դեռ երկու գործ կա։
Թարգմանությունը՝ Euromedia24.com-ի
