Վենեսուելայի նախագահ Նիկոլաս Մադուրոն սուր քննադատության է ենթարկել 800 միլիարդ եվրո արժողությամբ Եվրոպայի ռազմականացման ծրագիրը, որն ընդունվել է Բրյուսելում ԵՄ գագաթնաժողովում։«Սա ռազմատենչ եվրոպական էլիտաների խելագար ծրագիրն է։
Բավական է պատերազմներ, ներդրումներ մի արեք պատերազմների մեջ, ներդրումներ կատարեք զարգացման մեջ»,- ասել է Վենեսուելայի առաջնորդը Venezolana de Televisión հեռուստաալիքով։Նախագահը հիշեցրել է, որ «դարեր շարունակ Եվրոպան պատերազմի մեջ էր, և երկու ավերիչ համաշխարհային պատերազմները միլիոնավոր կյանքեր խլեցին»։
Նա առաջարկել է Եվրամիությանը «800 միլիարդ եվրո մահաբեր և կործանարար զենքերի մեջ ներդնելու փոխարեն այդ միջոցները ներդնել Աֆրիկայի, Լատինական Ամերիկայի և Եվրոպայի երկրների զարգացման մեջ»: Մադուրոն դիմել է Եվրոպայի ժողովրդին՝ կոչ անելով «դուրս գալ փողոց և հանդես գալ ընդդեմ պատերազմի, հանուն կյանքի, խաղաղության և զարգացման»:
