Տաջիկստանի նախագահ Էմոմալի Ռահմոնը պետական այցով կմեկնի Ղրղզստան։ Այցը կկայանա մարտի 12-13-ը, հաղորդում է Տաջիկստանի արտաքին գործերի նախարարությունը։Ռահմոնը և Ղրղզստանի նախագահ Սադիր Ջապարովը կքննարկեն «տաջիկ-ղրղզական հարաբերությունները և փոխադարձ հետաքրքրություն ներկայացնող այլ հարցեր»։
Ակնկալվում է, որ երկու երկրների ղեկավարների հանդիպումից հետո կստորագրվի փաստաթղթերի փաթեթ։Տաջիկ-Ղրղզստանի սահմանի երկարությունը ավելի քան 980 կմ է։ Երկու երկրների հարաբերությունները բազմիցս վատթարացել են ընդհանուր սահմանի վիճելի հատվածների պատճառով։
Սահմանազատման գործընթացը շարունակվում է 2002 թվականից։Վիճելի տարածքներում պարբերաբար ծագում են հակամարտություններ, որոնցից ամենամեծը եղել է 2022 թվականի սեպտեմբերին, երբ կողմերը զենք են կիրառել, որից հետո երկու երկրների կառավարական հանձնաժողովները պարբերաբար հանդիպումներ են ունենում սահմանային խնդիրը լուծելու համար։
Ավելի վաղ Բիշքեկը հայտարարել էր, որ փետրվարի 21-ին Տաջիկստանի և Ղրղզստանի միջև փաստաթուղթ է ստորագրվել սահմանի ընդհանուր հատվածի սահմանազատման մասին, որը պետք է վավերացվի երկու պետությունների խորհրդարանների կողմից և ստորագրվի նախագահների կողմից։ Այնուհետեւ սպասվում է համապատասխան նոտաների փոխանակում արտգործնախարարությունների միջեւ։
