Պատմության մեջ առաջին անգամ ամերիկյան B-52 ռմբակոծիչները օդային ռումբեր են նետել Ֆինլանդիայի տարածքում, հայտնում է Ֆինլանդիայի ռազմաօդային ուժերը։
ԱՄՆ ռազմաօդային ուժերի կողմից կազմակերպված ուսումնական միջոցառումների շրջանակում ամերիկյան B-52-ները մարտի 6-ին նետել են JDAM ռումբեր Ֆինլանդիայի Լապլանդիայի Ռովայյարվի պոլիգոնում: Զեկույցում պարզաբանվում է, որ ռմբակոծիչներին ուղեկցել են Ֆինլանդիայի ռազմաօդային ուժերի F/A-18 Hornet կործանիչները։
Այս իրադարձությունն առաջին դեպքն էր, երբ ամերիկյան ռմբակոծիչները ռումբեր էին նետում Ֆինլանդիայի տարածքում։
Ավելի վաղ Ֆինլանդիայում Ռուսաստանի դեսպան Պավել Կուզնեցովը ՌԻԱ Նովոստիին ասել էր, որ ամերիկյան B-52 ռազմավարական ռմբակոծիչների ցուցադրական թռիչքները Ֆինլանդիայի վրայով կարող են վկայել այն մասին, որ Պենտագոնը սկսել է գործնական նախապատրաստություններ այս տարածաշրջանը որպես ռազմական գործողությունների պոտենցիալ թատերաբեմ օգտագործելու համար։
Հիշեցնենք, որ Ֆինլանդիան ՆԱՏՕ-ի անդամ է դարձել 2023 թվականի ապրիլի 4-ին։
