Սիրիայի Տարտուս քաղաքում պարետային ժամը երկարացվել է մինչև ժամը 12:00-ն (Մոսկվայի ժամանակով 13:00-ն), ասվում է Տարտուս նահանգի իշխանությունների հայտարարության մեջ, որը հրապարակել է Al-Watan թերթը։
Հինգշաբթի օրը անվտանգության ուժերի և Սիրիայի նախկին նախագահ Բաշար ալ-Ասադի կողմնակիցների զինված խմբերի միջև բախումներից հետո Տարտուս և Հոմս քաղաքներում պարետային ժամ է մտցվել ուրբաթ առավոտյան ժամը 22.00-ից մինչև 10.00-ն։
«Անվտանգության ապահովման անհրաժեշտությունից ելնելով և հանուն քաղաքացիների կյանքի պահպանման՝ Տարտուս նահանգում անվտանգության միջոցառումների հետ կապված՝ Տարտուս քաղաքում պարետային ժամը երկարացվել է մինչև ժամը 12.00»,- ասվում է հաղորդագրության մեջ։
Ուրբաթ գիշեր Տարտուս և Լաթաքիա նահանգներում բանակի և անվտանգության ուժեր են ժամանել՝ իրավիճակի կայունացման համար՝ անվտանգության ուժերի դիրքերի վրա նախկին կառավարության կողմնակիցների հարձակումների ֆոնին:
Թեժ բախումներ են տեղի ունեցել Ջեբլա քաղաքում, Լաթաքիա քաղաքի մի քանի շրջաններում եւ համանուն նահանգի լեռնային շրջաններում։ Բանակը հարվածային ուղղաթիռներ է կիրառել անվտանգության ուժերին աջակցելու համար։
