Ֆրանսիայի իշխանությունները մտադիր են մինչև 2025 թվականի կեսերը բանակցություններ վարել այլ պետությունների ներկայացուցիչների հետ՝ այդ երկրների պաշտպանության համար ֆրանսիական միջուկային զսպման ուժերի գործողությունների ընդլայնման շուրջ։
Այս մասին հայտարարել է Ֆրանսիայի նախագահ Էմանուել Մակրոնը ԵՄ պաշտպանության արտակարգ գագաթնաժողովի ավարտին կայացած մամուլի ասուլիսում։«Իմ մի քանի գործընկերներ դիմել են ինձ, և մենք այժմ մտնում ենք մի փուլ, որտեղ մեր տեխնիկական փորձագետները կարծիքներ կփոխանակեն:
Մենք պատրաստվում ենք երկխոսություն սկսել՝ և՛ ռազմավարական, և՛ տեխնիկական, որին կհաջորդի փոխանակումներ պետությունների և կառավարությունների ղեկավարների մակարդակով՝ մինչև վեց ամսվա վերջ հասկանալու, թե արդյոք հնարավոր են նոր գործընկերություններ»,-ասել է նա։ Մակրոնը հավելել է, որ արդեն համապատասխան քննարկումներ է սկսել Գերմանիայի ապագա կանցլեր Ֆրիդրիխ Մերցի հետ։
Ավելի վաղ Մակրոնն իր համաքաղաքացիներին ուղղված ուղերձում ասել էր, որ Գերմանիայի կանցլերի թեկնածու Ֆրիդրիխ Մերցի կոչով կսկսի քննարկումները դաշնակիցների հետ՝ եվրոպական երկրներին Ֆրանսիայի միջուկային զսպման ուժերի պաշտպանության տակ ընդունելու հնարավորության շուրջ։
