Ատոմային էներգիայի միջազգային գործակալության (ՄԱԳԱՏԷ) ղեկավար Ռաֆայել Գրոսսին խոսել է «նորմերի էրոզիայի» և «տաբուներից» հեռանալու մասին՝ Ֆրանսիայի նախագահ Էմանուել Մակրոնի խոսքերի ֆոնին միջուկային զենքի կիրառման վերաբերյալ քննարկման անհրաժեշտության մասին։
«Մի քանի տարի առաջ միջուկային զենքի մասին նման քննարկումը տաբու կլիներ: Այժմ որոշ երկրներում նման խոսակցություններ կան: Նորմը անընդհատ քայքայվում է»,- ասել է Գրոսին Bloomberg-ին տված հարցազրույցում:
Ավելի վաղ Մակրոնն իր համաքաղաքացիներին ուղղված ուղերձում ասել էր, որ Գերմանիայի կանցլերի թեկնածու Ֆրիդրիխ Մերցի կոչով կսկսի քննարկումները դաշնակիցների հետ՝ եվրոպական երկրներին Ֆրանսիայի միջուկային զսպման ուժերի պաշտպանության տակ ընդունելու հնարավորության շուրջ։
Բացի այդ, նախագահը խոսել է Եվրոպայի և հանրապետության համար աճող սպառնալիքների մասին, այդ թվում՝ իբր Ռուսաստանից։ Այսպիսով, Մակրոնը հիմնավորել է Փարիզի պաշտպանական ծախսերը նախկինում հաստատված պլանից դուրս ավելացնելու անհրաժեշտությունը։
Ֆրանսիայի ղեկավարը նաև հայտարարել է Ռուսաստանի Դաշնության հետ հակամարտությունում Ուկրաինային աջակցելու իր մտադրության մասին։
