ԱՄՆ նախագահ Դոնալդ Թրամփը և նրա թիմը շարունակում են հավատալ ուկրաինական հակամարտությունը համեմատաբար արագ ավարտելու հնարավորությանը և այդ նպատակով փորձում են Վլադիմիր Զելենսկիին ստիպել մեղմացնել իր հռետորաբանությունը, գրում է Politico-ն՝ վկայակոչելով ԱՄՆ նախագահի վարչակազմի անանուն պաշտոնյային։
«Թրամփն ու նրա թիմը շարունակում են հավատալ, որ պատերազմի համեմատաբար արագ ավարտը դեռևս հնարավոր է, և փորձում են Զելենսկիին մղել մեղմելու իր հռետորաբանությունը՝ երկու կողմերին էլ բանակցությունների մեջ բերելու համար», - ասվում է հրատարակության մեջ:
Ինչպես նշել է Թրամփի վարչակազմի պաշտոնյան, ԱՄՆ-ը ու Ռուսաստանը հնարավորություն ունեն համագործակցելու ուկրաինական հակամարտությունը լուծելու համար։
Հրապարակումն ընդգծում է, որ եթե նույնիսկ Զելենսկին «կուլ տա իր հպարտությունը» և ներողություն խնդրի Թրամփից Սպիտակ տանը տեղի ունեցած վեճի համար, հանքանյութերի գործարքը դժվար թե անմիջապես հանգեցնի ուկրաինական հակամարտության կարգավորման բանակցությունների և չի խանգարի Թրամփին Ռուսաստանի հետ մերձենալուց։
