Հռոմի պապ Ֆրանցիսկոսը նորից միացված է շնչառական սարքին. Այս մասին երկուշաբթի՝ մարտի 3-ին, հայտնել է Վատիկանի մամուլի ծառայությունը։
«Այսօր Վեհափառ Հայրապետը սուր շնչառական անբավարարության երկու նոպա է ունեցել՝ առաջացած էնդոբրոնխիալ լորձի զգալի կուտակման և դրան հաջորդած բրոնխոսպազմի հետևանքով»,- ասվում է հաղորդագրության մեջ։
«Սուրբ Հայրը ողջ ընթացքում մնաց զգոն, գիտակից և հաղորդակցական: Կանխատեսումները մնում են զգուշավոր»,- եզրափակել է Վատիկանը:
Ավելի վաղ տեղեկացրել էինք, որ Հռոմի Ֆրանցիսկոս պապի վիճակը կիրակի օրվա ընթացքում կայուն է մնացել, և նա այլևս թոքերի արհեստական շնչառության կարիք չի ունեցել, ինչը վկայում է երկկողմանի թոքաբորբի դեմ 88-ամյա պոնտիֆիկոսի պայքարում առաջընթացի մասին:
Թարգմանությունը՝ Մանուել Թամազյանի
