Ուկրաինայի նախագահ Վոլոդիմիր Զելենսկին հայտարարել է, որ պատրաստ է հանդիպել ԱՄՆ նախագահ Դոնալդ Թրամփի հետ, եթե վերջինս հրավիրի նրան՝ «իրական խնդիրներ լուծելու»։ Նրա խոսքերը մեջբերում է Bloobmberg-ը։«Մենք արժանի ենք հավասար երկխոսության։
Եթե ԱՄՆ նախագահը հրավիրի կառուցողական երկխոսության, իրական խնդիրներ լուծելու, լուրջ հարցերի և իրական, վճռական գործողությունների և պատասխանների համար, ես կգամ»,- ասել է Զելենսկին։
Նա ընդգծել է, որ պատրաստ է ԱՄՆ-ի հետ «կառուցողական հարաբերությունների» ցանկացած ձևաչափի։
