Ռուսաստանը չի կարող Ուկրաինայի համար անվտանգության երաշխիքների պայմաններ թելադրել։ Այս մասին հայտարարել է Մեծ Բրիտանիայի վարչապետ Քիր Սթարմերը, փոխանցում է Yahoo News-ը։«Ի վերջո, գործարքին պետք է մասնակցի Ռուսաստանը։ Բայց մենք չենք կարող դրան մոտենալ այն հիմնավորմամբ, որ Ռուսաստանը անվտանգության ցանկացած երաշխիքի պայմաններ է թելադրում նախքան գործարքին անցնելը։
Հակառակ դեպքում մենք ընդհանրապես ոչ մի առաջընթացի չենք հասնի»,-ասել է Սթարմերը՝ նշելով, որ եթե գործարքը կնքված է, ապա այն պետք է պաշտպանել:
Նա հավելել է, որ հրադադարի մասին նախորդ համաձայնագիրը աջակցություն չի ունեցել, ուստի այն խախտվել է:«Նոր պայմանագիր կնքելիս պետք է խուսափել նման իրավիճակից», - ընդգծել է Մեծ Բրիտանիայի վարչապետը։
