Comedy Club-ի փակման, վերագործարկման, հաղորդավարների փոփոխության մասին լուրերը պտտվում են արդեն մի քանի տարի։ Եվ, ամենայն հարգանքով հանդերձ ալիքի PR ծառայությունների «կրեատիվության» նկատմամբ, նման ակնարկները վաղուց հանդիսատեսի կողմից ընկալվում էին որպես տխրահռչակ առակ հովվի և գայլերի մասին: Սրան գրեթե ոչ ոք չի հավատում։ Հետո Պավել Վոլյան հեռացավ Comedy Club-ից, հետո Գարիկ Խարլամովը լքեց ակումբը, ապա նոր հաղորդավար դարձավ Անդրեյ Բեբուրիշվիլին, և այդպես շարունակ։ Կատակերգուներին շփոթում են՝ փորձելով առավելագույնս հետաքրքրություն առաջացնել նախագծի նկատմամբ, որն այս տարի դառնում է 20 տարեկան:
Նման «ինֆո-պատճառների» առաջացման փաստն արդեն ամեն ինչ ասում է։ Գարիկ Մարտիրոսյանը, ով կանգնած էր Comedy Club-ի ստեղծման ակունքներում, թեև շուրջ տասը տարի որևէ առնչություն չունի նախագծի հետ, սակայն մինչ օրս շարունակում են անվերջ հարցնել շոուի ճակատագրի մասին։
«Կարծում եմ, որ այս հարցը պետք է տալ նրանց, ովքեր իրականացնում են նախագիծը», - KP.RU-ի փոպանցմամբ՝ խոստովանել է նա ՏԱՍՍ-ին տված վերջին հարցազրույցում։ -Արդեն մոտ յոթ տարի է, ինչ ես չեմ առնչվում Comedy Club-ին կամ հանդես չեմ գալիս դրանում, ուստի կարող եմ դատել միայն որպես հանդիսատես: Թերևս պետք է ներգրավել նոր կատակերգուների, ներարկել նոր ուժեր՝ պահպանելով հին հզոր հիպերմեքենաները՝ ի դեմս Գարիկ Խարլամովի, Փաշա Վոլյայի, Դեմիս Կարիբիդիսի, Մարինա Կրավեցի և բոլոր նրանց, ովքեր տարեցտարի հիանալի են հանդես գալիս և արդեն նվաճել են հանդիսատեսի սերը։ Սա, իհարկե, պետք է թողնել, բայց այլ բան մտցնել։ Պետք է միշտ լինել թարմ մարզավիճակում:
Ինքը՝ Գարիկը, կենտրոնացել է ТНТ-ի շրջանակներում պրոդյուսերական և ստեղծագործական աշխատանքի վրա (մարտի 8-ին նա պատրաստել է «Նաշա Ռուսաստան» շոուի հատուկ թողարկումը երաժշտական կատակերգության տեսքով) և վարել «Կոնֆետկա» շոուն։
Թարգմանությունը՝ Մանուել Թամազյանի
