Սախալինի հարավում փրկարարական աշխատանքներ են ընթանում Օխոտի ծովում պոկված սառցաբեկորի վրայից ձկնորսներին տարհանելու ուղղությամբ։ 200 ձկնորսից 170-ին արդեն փրկել են, այս մասին հաղորդում է Ռուսաստանի արտակարգ իրավիճակների նախարարությունը։ «Սառույցի վրայից փրկել են 170 մարդու։
Մարդկանց ափ են հանում ուղղաթիռով և նավով։ Ցամաքից ձկնորսներին բաժանում է գրեթե մեկ կիլոմետր սառցադաշտը», - հայտնել է գերատեսչությունն իր Telegram ալիքում։Ավելի վաղ տարածաշրջանի արտակարգ իրավիճակների վարչությունից հայտնել էին, որ Օխոտի ծովում սառցաբեկորի վրա կա շուրջ 200 մարդ։
Նրանք գտնվում են Կորսակովի շրջանի Լեսնոյե գյուղի ափից 700 մետր հեռավորության վրա։Փրկարարական աշխատանքներին մասնակցում է 11 մասնագետ, ներգրավված է Արտակարգ իրավիճակների նախարարության վեց միավոր տեխնիկա, այդ թվում՝ «Խիվուս» ամֆիբիա նավը, ինչպես նաև Մի-8 ուղղաթիռ։
