ԱՄՆ նորընտիր նախագահ Դոնալդ Թրամփի վարչակազմում կա առնվազն երեք հայամետ բարձրաստիճան պաշտոնյա՝ պետքարտուղար Մարկո Ռուբիոն, Ազգային հետախուզության տնօրեն Թուլսի Գաբբարդը և առողջապահության նախարար Ռոբերտ Քենեդի Կրտսերը, որոնց նշանակումները ողջունել և նրանց աջակցություն են հայտնել ամերիկահայ ակտիվ կազմակերպությունները՝ Հայ դատի հանձնախումբը և Ամերիկայի հայկական համագումարը: Բայց թե արդյոք նրանց հետ կապերը կօգտագործվեն Թրամփի վարչակազմի հետ համագործակցություն ձևավորելու և հայկական շահերն առաջ տանելու համար, շատ բան կախված է նաև Հայաստանի իշխանություններից:
Այս մասին Euromedia24-ի հետ զրույցում նշեց Ամերիկյան հետազոտությունների հայկական կենտրոնի հիմնադիր, միջազգայնագետ Սուրեն Սարգսյանը:
Ու թեև մեր զրուցակիցը բավական թերահավատ է ու չի կարծում, թե Հայաստանի ներկայիս ղեկավարությունը կօգտվի այս հնարավորությունից, բայց բոլոր դեպքերում շեշտում է՝ աշխատանքի դաշտ կա և ցանկության դեպքում այդ դաշտում կարելի է աշխատել:
Մանրամասները՝ տեսանյութում:
