Արմատական ՀԱՄԱՍ շարժումը նամակ է ուղարկել Պաղեստինի ազատագրման կազմակերպությանը՝ տեղեկացնելով Գազայի հատվածը Պաղեստինի ազգային վարչակազմի և կառավարական կոմիտեի վերահսկողությանը հանձնելու պատրաստակամության մասին։ Այս մասին հայտնում է Sky News Arabia-ն՝ վկայակոչելով աղբյուրները։
Նրանց խոսքով՝ միաժամանակ, ՀԱՄԱՍ-ը պայման է առաջ քաշել, ըստ որի Գազայի պաշտոնյաները պետք է աշխատատեղերով ապահովվեն նոր վարչակազմում, իսկ աշխատանքից ազատվելու դեպքում շարունակեն աշխատավարձ ստանալ։ Նշվում է, որ արմատական կազմակերպությունն այս որոշումը կայացրել է Եգիպտոսի «ուժեղ ճնշման» ներքո՝ Կահիրեում իր պատվիրակության հետ բանակցություններից հետո։
Ինչպես փետրվարի 15-ին հայտնել է եգիպտական Al-Qahira al-Ikhbariya հեռուստաալիքը՝ վկայակոչելով աղբյուրին, ՀԱՄԱՍ-ը միջնորդներին տեղեկացրել է, որ մտադիր է կատարել Իսրայելի հետ հրադադարի համաձայնագիրը և մտադիր չէ ապագայում մասնակցել Գազայի հատվածի կառավարմանը։
Եգիպտոսը, ըստ աղբյուրի, ինտենսիվ խորհրդակցություններ է անցկացնում ժամանակավոր կոմիտեի ստեղծման շուրջ, որը պատասխանատու կլինի անկլավի բնակիչներին օգնություն տրամադրելու և դրա վերականգնման համար։
