Պաղեստինյան ՀԱՄԱՍ շարժումը և նրա դաշնակիցները ծրագրում են շաբաթ օրը՝ փետրվարի 15-ին, ազատ արձակել երեք մարդու՝ Ռուսաստանի Դաշնության, ԱՄՆ-ի և Իսրայելի քաղաքացիների։ Համապատասխան հայտարարությունը հրապարակել է ՀԱՄԱՍ-ի ռազմական թևի՝ Իզադդին ալ-Քասամ բրիգադների ներկայացուցիչ Աբու Ուբայդան։
«Իսրայելի հետ փոխանակման համաձայնագրի շրջանակներում մենք շաբաթ օրը՝ փետրվարի 15-ին, որոշեցինք ազատ արձակել Ալեքսանդր Տրուֆանովին, Սագի Դեկել-Հենին և Յաիր Հորնին»,- գրել է Աբու Ուբայդան իր Telegram ալիքում:
Ավելի վաղ` ուրբաթ օրը, ՀԱՄԱՍ-ի դաշնակից պաղեստինյան «Իսլամական ջիհադ» արմատական կազմակերպությունը հաստատել էր, որ փետրվարի 15-ին ազատ կարձակի Ռուսաստանի քաղաքացի Ալեքսանդր Տրուֆանովին, ով իր կողմից գտնվում էր Գազայի հատվածում:
Նախօրեին Մոսկվայում Իսրայելի դեսպան Սիմոնե Հալպերինը ՏԱՍՍ-ին ասել էր, որ, իր երկրի ղեկավարության կարծիքով, Ալեքսանդր Տրուֆանովը ողջ է և պետք է ազատ արձակվի ՀԱՄԱՍ-ի հետ կնքված գործարքի առաջին փուլում։
