Վլադիմիր Զելենսկին ասել է, որ մտադիր է մոտ ժամանակներս այցելել Արաբական Միացյալ Էմիրություններ, Սաուդյան Արաբիա և Թուրքիա, սակայն հավելել է, որ այդ երկրներում շփումներ Ռուսաստանի և ԱՄՆ-ի ներկայացուցիչների հետ նախատեսված չեն։
Նրա խոսքով՝ ԱՄԷ-ն ծրագրում է «մեծ մարդասիրական ծրագիր՝ ներառյալ գերիների փոխանակումը»։
«Դրանից հետո ես նույն հարցերով անմիջապես կայցելեմ Սաուդյան Արաբիա, կհանդիպեմ թագավորի հետ: Այնուհետև երկու-երեք օրից կհանդիպեմ Թուրքիայի նախագահ Թայիփ Էրդողանի հետ: Չեմ հանդիպի ռուսների հետ, բայց չեմ հանդիպի նաև ամերիկացիների հետ»,- ասել է նա Մյունխենում լրագրողների հետ զրույցում, որը հեռարձակվում է իր գրասենյակից։
Ավելի վաղ ԱՄՆ նախագահ Դոնալդ Թրամփը հայտարարել էր, որ ուկրաինական հակամարտության կարգավորման շուրջ շփումները տեղի կունենան հաջորդ շաբաթ Սաուդյան Արաբիայում։
