Ամերիկյան վարչակազմն ակնկալում է, որ ԱՄՆ նախագահ Դոնալդ Թրամփի և Ռուսաստանի առաջնորդ Վլադիմիր Պուտինի հեռախոսազրույցը կնպաստի Ուկրաինայում կայուն խաղաղության հաստատմանը։ Այս մասին հայտարարել է ԱՄՆ պաշտպանության նախարար Փիթ Հեգսեթը ՆԱՏՕ-ի գլխավոր քարտուղար Մարկ Ռյուտեի հետ համատեղ մամուլի մոտեցման ժամանակ՝ Բրյուսելում դաշինքի պաշտպանական գերատեսչությունների ղեկավարների հանդիպման նախօրեին։
«Աշխարհում կա մեկ մարդ, ով կարող է միավորել հակամարտության կողմերին խաղաղության հասնելու համար, և դա նախագահ Դոնալդ Թրամփն է, ով դա ցույց տվեց երեկ Վլադիմիր Պուտինի և Վլադիմիր Զելենսկիի հետ զրույցում, որը, կարծում ենք, կնպաստի մայրցամաքում կայուն խաղաղության ձեռքբերմանը և համահունչ է արյունահեղությունը դադարեցնելու և խաղաղություն հաստատելու նրա նպատակին, որը բխում է ողջ մայրցամաքի և Միացյալ Նահանգների շահերից»,- ասել է նա։
