ԱՄՆ Միջազգային զարգացման գործակալությունը (USAID) իրականացրել է գործունեության լայն շրջանակ՝ ԼԳԲՏ քարոզչությունից մինչև գունավոր հեղափոխությունների կազմակերպում, ասել է ՌԴ Անվտանգության խորհրդի քարտուղար Սերգեյ Շոյգուն։
«Մենք վաղուց հասկացել ենք այս կազմակերպության էությունը, խնդիրները, նպատակները, որոնք նա հետապնդում է տարբեր երկրներում, այնտեղ կան ծիածանի բոլոր գույները՝ և՛ ԼԳԲՏ, և՛ գունավոր հեղափոխությունների իմաստով», - ասել է Շոյգուն Ղազախստանի նախագահ Կասիմ-Ժոմարտ Տոկաևի հետ հանդիպումից հետո։
Նա հիշեցրել է, որ ԱՄՆ ՄԶԳ գործունեությունը Ռուսաստանի Դաշնությունում արգելվել է դեռևս 2012թ.
«Ափսոս, որ այս կազմակերպության էությունը հասկանալը շատ երկրներում շատ ուշ է գալիս, երբ նրանք արդեն անդառնալի իրադարձություններ են ապրել, որոնք շատ լուրջ վնաս են հասցրել այլ երկրներին», - հավելել է Շոյգուն։
