Ամերիկացի երգչուհի և դերասանուհի Արիանա Գրանդեն խոստովանել է, որ հետտրավմատիկ սթրեսային խանգարման (PTSD) պատճառով ստիպված է եղել դիմել թերապևտի օգնությանը։ 31-ամյա աստղը Hollywood Reporter Awards Chatter փոդքասթի մի դրվագում խոսել է հոգեկան հիվանդության դեմ իր պայքարի մասին, գրում է People-ը։
Գրանդեի խոսքով, իր Sweetener և Thank U, Next ալբոմները նա թողարկել է 2018 և 2019 թվականներին՝ լուրջ հոգեկան խնդիրների ֆոնին։ «Ես անցնում էի բազմաթիվ թերապիայի սեանսներ, պայքարում էի հետտրավմատիկ սթրեսային խանգարման (PTSD), տխրության, դեպրեսիայի և անհանգստության տարբեր դրսևորումների հետ։ Ես, իհարկե, շատ լուրջ էի վերաբերվում այս ամենին, բայց երաժշտությունն էլ բուժման մաս էր. այն մեծապես նպաստեց իմ փրկությանը», — խոստովանել է երգչուհին՝ ավելացնելով, որ դա իր կյանքի ամենամութ շրջաններից էր։
Գրանդեի խոսքով՝ նրա հոգեկան խնդիրների զարգացմանը նպաստել են 2017 թվականին Մանչեսթերում նրա համերգի ընթացքում տեղի ունեցած ահաբեկչական գործողությունը, ինչպես նաև ռեփեր Մաք Միլերի հետ բաժանումը, որը մահացավ հարաբերությունների ավարտից չորս ամիս անց։
Թարգմանությունը՝ Euromedia24.com-ի
