Ավելի քան 30 մարդու դի է դուրս բերվել գետից Վաշինգտոնի մերձակայքում տեղի ունեցած ավիավթարից հետո, հայտնում է NBC-ն՝ հղում անելով աղբյուրներին։
Ավելի վաղ CBS-ը հայտնել էր, որ հայտնաբերվել է 18 դի։
«Փրկարարները ջրից դուրս են բերել ավելի քան 30 դի»,- ասվում է հեռուստաալիքի հաղորդագրության մեջ։
Ավելի վաղ ամերիկյան ավիացիոն կարգավորիչը հայտնել էր Bombardier CRJ700 տարածաշրջանային մարդատար ինքնաթիռի և Sikorsky H-60 ռազմական ուղղաթիռի բախման մասին։
Քաղաքացիական ինքնաթիռը պատկանել է American Airlines-ին՝ ԱՄՆ-ի ամենամեծ ավիաընկերությանը, որը հայտնել է, որ ինքնաթիռում եղել է 60 ուղևոր և անձնակազմի չորս անդամ: Ուղղաթիռում անձնակազմի երեք անդամ է եղել։
Աղբյուրը ՌԻԱ Նովոստիին հայտնել է, որ կործանված ինքնաթիռում եղել են գեղասահքի աշխարհի 1994 թվականի չեմպիոններ Եվգենյա Շիշկովան և Վադիմ Նաումովը։
