Լիտվայի կառավարությունը հավանություն է տվել Ռուսաստանի և Բելառուսի քաղաքացիների նկատմամբ Վիլնյուսի կողմից ուկրաինական ճգնաժամի ֆոնին կիրառվող ազգային պատժամիջոցները մեկ տարով երկարաձգելու՝ արտաքին գործերի նախարարության նախաձեռնությանը։ Այս մասին որոշումն ընդունվել է նախարարների կաբինետի նիստում։
«Սահմանված սահմանափակումները պետք է գնահատվեն որպես օպտիմալ և համակարգված՝ հաշվի առնելով առկա սպառնալիքները, այդ միջոցառումներն անհրաժեշտ են և տեղին», - ասվում է հաստատված փաստաթղթում։
Պատժամիջոցները նախատեսում են Ռուսաստանի Դաշնության քաղաքացիների և Բելառուսի քաղաքացիների՝ ժամանակավոր կացության թույլտվություն տրամադրելու հարցումների քննարկման կասեցում։ Ռուսներին, որոնց մուտքը Լիտվա տեղի է ունենում բացառիկ դեպքերում, արգելվում է Լիտվայում անշարժ գույք գնել, կանխիկ ուկրաինական գրիվնա ներմուծել կամ էլեկտրոնային ռեզիդենտի կարգավիճակ ստանալ:
Սահմանափակումները երկարացվել են 2025 թվականի մայիսի 3-ից մինչև 2026 թվականի մայիսի 2-ը։
