Բրյուսելի ոստիկանությունը հունվարի 27-ի առավոտթյան ձերբակալել է բելգիացի անվանի ֆուտբոլիստ Ռաջա Նայնգոլանին, գրում է HLN-ը։
36-ամյա ֆուտբոլիստը մեղադրվում է Հարավային Ամերիկայից Եվրոպա թմրամիջոցներ ներկրող հանցավոր խմբի հետ կապ ունենալու համար։
Նայնգոլանի ձերբակալությունը կազմակերպված հանցավորության դեմ մեծ հետաքննության մի մասն է, որը կենտրոնացած է Բելգիայում թմրամիջոցների հայտնաբերման և դրանց ոչնչացման ուղղությամբ։
Ռաջա Նայնգոլանն այժմ հանդես է գալիս Բելգիայի երկրորդ լիգան ներկայացնող «Լոքերեն-Թեմսե» ակումբում, որի հետ օրեր առաջ է պայմանագիր կնքել։ Նա առավել հայտնի է իտալական ակումբներում` Միլանի «Ինտերում», «Ռոմայում» և «Կալյարիում» ունեցած ելույթներով։
