Այսօր՝ հունվարի 17–ին, Մամիկոնյանց 42/1 շենքի բնակարանների գնորդները, ովքեր խախտված իրավունքների ունեն եւ չեն կարողացել ժամանակին՝ ըստ պայմանագրերի, մուտք գործել իրենց ձեռքբերած բնակարաններ` կառուցապատողի, իրենց ձեւակերպմամբ, անբարեխիղճ լինելու պատճառով, այսօր բողոքի ակցիա կիրականացնեն Երեւանի քաղաքապետարանի դիմաց` պահանջելու քաղաքապետ Տիգրան Ավինյանին լսել իրենց և լուծում տալ իրենց խնդրին։
Կառուցապատողը դեռեւս 2022 թվականի նոյեմբերին շենքը պետք է հանձներ` ըստ պլանի, բայց մինչ այս պահը մարդկանց արգելված է բնակարանամուտ անել եւ դառնալ իրենց գնած անշարժ գույքի լիիրավ սեփականատեր, պատճառաբանությունն այն է, որ կառուցապատողը չունի ավարտական ակտ։
Մեկ տասնյակից ավելի բնակիչներ ակնկալում են, որ այսօր լրատվամիջոցները ներկա կգտնվեն եւ կբարձրաձյանեն իրենց մտահոգությունները եւ իրենց լուսաբանումներով կօգնեն, որ Տիգրան Ավինյանը լսի իրենց, խնդրին լուծում տա կամ գոնե պատասխան տա գլխավոր հարցին` ինչպե՞ս է ստացվում, որ շինթույլտվություն տալիս են, բայց հետագայում չկա պետական վերահսկողություն այսօրինակ դեպքերի նկատմամբ, ինչու են անվերահսկելիությամբ օգնում անբարեխիղճ բիզնեսմեններին եւ օգնում են ոտնահարել քաղաքացիների իրավունքները։
Շենքի ագագա բնակիչները քաղաապետարանի մոտ նախատեսում են հավաքվել այսօր առավոտյան ժամը 11:20–ից և ակնկալում են թե իրենց բախտակիցների եւ թե ԶԼՄ-ների աջակցությունը։
