ՆԱՏՕ-ի երկու նավ պարեկություն են իրականացնելու Բալթիկ ծովում՝ ենթակառուցվածքների անվտանգությունն ապահովելու համար։ Այս մասին մամուլի ասուլիսի ժամանակ հայտարարել է Ֆինլանդիայի արտգործնախարար Էլինա Վալտոնենը։
«ՆԱՏՕ-ն ներկայումս երկու նավ է ուղարկում»,- ասել է նա։ «ՆԱՏՕ-ի ավելի լայն ներկայությունը հանգստացնող և կայունացնող ազդեցություն ունի, մենք շատ ուրախ ենք, որ նման որոշում կայացվեց», - ասում է Ֆինլանդիայի ԱԳՆ ղեկավարը։
Նա պնդում էր, որ նավերը, որոնք Արևմուտքն անվանում է ռուսական «ստվերային նավատորմ», վտանգ են ներկայացնում ստորջրյա կարևոր ենթակառուցվածքների համար:
Ավելի վաղ Ֆինլանդիայի նախագահ Ալեքսանդր Ստուբը դաշինքին խնդրել էր ուժեղացնել իր ներկայությունը Բալթիկ ծովի կարևոր ենթակառուցվածքի մոտ՝ EstLink 2 էներգետիկ մալուխի վնասումից հետո։
