Euromedia24 on Play Store Euromedia24 on App Sore
BNB

$694.4

BTC

$118036

ADA

$0.741907

ETH

$3002.1

SOL

$164.29

28 °

Yerevan

24 °

Moscow

38 °

Dubai

29 °

London

27 °

Beijing

23 °

Brussels

33 °

Rome

28 °

Madrid

BNB

$694.4

BTC

$118036

ADA

$0.741907

ETH

$3002.1

SOL

$164.29

28 °

Yerevan

24 °

Moscow

38 °

Dubai

29 °

London

27 °

Beijing

23 °

Brussels

33 °

Rome

28 °

Madrid

2020 թ. պատերազմը, Արցախի հայաթափումը չէր լինի, եթե Հայաստանը լիներ ԵՄ անդամ. Տիգրան Խզմալյան (տեսանյութ)


Հայաստանի եվրոպական ինտեգրման գործընթացը նոր թափ է հավաքում: Ունենալով սերտ համագործակցություն Եվրոպայի հետ՝ պաշտոնական Երևանն այժմ գործնական քայլեր է ձեռնարկում Եվրամիությանն անդամակցելու ուղղությամբ: Հունվարի 9-ի նիստում ՀՀ կառավարությունը հավանություն է տվել  «Եվրոպական միությանը Հայաստանի Հանրապետության անդամակցելու գործընթացի մեկնարկի մասին» ՀՀ օրենքի նախագծին, որն արդեն սահմանված կարգով կներկայացվի Ազգային ժողովի քննարկմանը:

Արտգործնախարար Արարատ Միրզոյանի կողմից զեկուցված նախագծի քննարկմանը նախորդել էր քաղաքական որոշակի գործընթաց:

Նախորդ տարվա հունիսին Ազգային ժողովում տեղի էին ունեցել խորհրդարանական լսումներ Հայաստանի՝ Եվրամիությանն անդամակցելու հայտ ներկայացնելու հարցը հանրաքվեի դնելու թեմայով, այնուհետև երկրի քաղաքական իշխանությանը լոյալ մի շարք արևմտամետ ուժեր «Եվրաքվե» կարգախոսով ստորագրահավաք էին կազմակերպել հանրապետության տարածքում՝ հավաքելով 50 հազար քաղաքացու ստորագրություն:

Քաղաքացիական նախաձեռնության կարգով ԵՄ-ին Հայաստանի անդամակցության գործընթացի մեկնարկի մասին օրենքի նախագիծը ներկայացվել էր Ազգային ժողովի քննարկմանը, և այժմ կառավարությունը պետք է դիրքորոշում արտահայտեր նախագծի վերաբերյալ:

Նախագիծն ընդունվեց առանց դեմ ձայների: Վարչապետ Նիկոլ Փաշինյանն իր խոսքում նշեց, որ կառավարության դիրքորոշումն է չառարկել օրենքի ընդունմանը, բայց նաև ընդգծեց, որ Եվրամիությանն անդամակցելու որոշումը պետք է կայացվի ոչ թե օրենքով կամ կառավարության որոշման մակարդակով, այլ բացառապես հանրաքվեի միջոցով՝ ինչպես սահմանում է Հայաստանի Սահմանադրությունը:

Ի՞նչ հեռանկարներ ունի Հայաստանի անդամակցումը Եվրոպական միությանը և որքանո՞վ է դա հնարավոր մոտ ապագայում՝ հաշվի առնելով հարևան երկրների՝ նույն Թուրքիայի, Վրաստանի, Ուկրաինայի, Մոլդովայի փորձը, ինչպես նաև՝ Հայաստանի անդամակցումը մեկ այլ ինտեգրացիոն կառույցի՝ Եվրասիական տնտեսական միությանը:

«Եվրաքվե»-ի նախաձեռնող ուժերից Հայաստանի եվրոպական կուսակցության ղեկավար Տիգրան Խզմալյանը գոհ է կառավարության ընդունած որոշումից:

 Euromedia24 TV-ի հետ զրույցում նա նշեց, որ իրենց նախաձեռնությունը պնդելու է, որ կառավարությունը, չսպասելով որևէ այլ բանի, անդամակցության հայտ ներկայացնի Եվրամիությանը:

Տիգրան Խզմալյան.

«Մեր նախաձեռնությունը, որը հաջողությամբ պսակվեց, ստիպեց նրանց առերեսվել այդ անհրաժեշտությանը, և մենք հպարտ ենք, որ կարողացանք ժողովրդավարական միջոցներով արտահայտել ազգի զգալի մասի, կարծում եմ՝ մեծամասնության կամքը»: Իսկ վերջնական որոշումն, ըստ Խզմալյանի, պետք է կայացվի հանրաքվեի միջոցով: ՀՀ սահմանադրության 205-րդ հոդվածը սահմանում է. «Վերպետական միջազգային կազմակերպություններին Հայաստանի Հանրապետության անդամակցության, ինչպես նաև Հայաստանի Հանրապետության տարածքի փոփոխությանը վերաբերող հարցերը լուծվում են հանրաքվեների միջոցով»:

Չնայած այն հանգամանքին, որ շատ երկրներ տասնյակ տարիներ թակում են Եվրամիության դուռը, բայց այդպես էլ չեն հասել ԵՄ անդամի կարգավիճակին, Տիգրան Խզմալյանը չափից ավելի լավատես է այս հարցում:

Նա համոզված է, որ Հայաստանն այս տարի կարող է ստանալ ԵՄ անդամի թեկնածուի կարգավիճակ, իսկ 2030 թվականին կդառնա Եվրամիության լիիրավ անդամ: Իսկ հարցը, թե առհասարակ Հայաստանի ինչի՞ն է պետք ԵՄ անդամակցումը, զրուցակիցը տարօրինակ է համարում: Ու թեև Եվրամիությունը անվտանգային կառույց չէ և չունի ռազմաքաղաքական լուրջ բաղադրիչ, Տիգրան Խզմալյանը, որպես երդվյալ արևմտամետ, կարծում է, որ 2020 թվականի պատերազմը և Արցախի հետագա հայաթափումը չէին լինի, եթե Հայաստանը լիներ ԵՄ անդամ:

Տիգրան Խզմալյան.

«Ձեր հարցին՝ Հայաստանի ինչին է պետք Եվրամիության անդամակցությունը, պատասխանել է 2020 թվականի պատերազմը և 2023 թվականի Արցախի հայաթափումը: Բավական տարօրինակ է հիմա այդ հարցը կրկին տալ: Մենք տեսանք, որ վերջին տասնամյակների քաղաքականությունը և աշխարհաքաղաքական ընտրությունը, որին հետևել էին Հայաստանի տարբեր իշխանությունները, սնանկ է, և Եվրամիության, իսկ հետո նաև ՆԱՏՕ-ի անդամակցությունը միակ և հիմնական միջոցն է, որով Հայաստանը կարող է ապահովել իր անվտանգությունը և պետական գոյությունը»:

Հայաստանի քաղաքական դաշտի հնաբնակներից «Սահմանադրական իրավունք միություն» կուսակցության նախագահ Հայկ Բաբուխանյանը տրամագծորեն հակադիր կարծիք ունի Հայաստանի եվրաինտեգրման գործընթացի վերաբերյալ:

Euromedia24 TV-ի հետ զրույցում Հայկ Բաբուխանյանը հայտարարեց, որ ԵՄ-ին Հայաստանի անդամակցության գործընթացի նպատակը Հայաստանը որպես պետություն ոչնչացնելն է:Հայկ Բաբուխանյան.

«Դա հայ ժողովրդի դեմ հերթական ոտնձգությունն է, թշնամական ուժերի նախաձեռնած գործընթաց է, որի նպատակը Հայաստանը որպես պետություն ոչնչացնելն և Հայաստանից ոչինչ չթողնելը, ինչը սկսել է Նիկոլը և շարունակվում է իրեն աջակից կուսակցությունների կողմից:

Դա ակնհայտ է, որ տանում է Հայաստանը դեպի գերեզման, և մենք կկորցնենք ոչ միայն ինչպես կորցրեցինք Արցախը, ժամանակին նույն կերպ մտածող և նույն ուժերին ծառայող այսպես կոչված՝ հայերի պատճառով կորցրեցինք Նախիջևանը, դրանից առաջ՝ Սուրմալուն, դրանից առաջ՝ Կարսը և այլն: Այսինքն՝ կան ուժեր, որոնք ծառայում են օտարի շահերին, և սա այն օտարի շահերին ծառայող գործընթացներից մեկն է: Ինչ վերաբերում է՝ Ազգային ժողով տանել կամ հանրաքվե անել, երկուսն էլ վնասակար են:

Իսկ Հայաստանի միակ փրկությունը, եթե ուզում ենք, որ Հայաստանը մնա որպես պետություն, ապա միակ լուծումը Ռուսաստան-Բելառուս միութենական պետությանն անդամագրվելն է, ինչքան շուտ, էդքան լավ»:

Թե ինչ դիրքորոշում կհայտնեն խորհրդարանական ուժերը ներկայացված նախագծի վերաբերյալ և ինչ ընթացակարգեր են անհրաժեշտ՝ Հայաստանի հայտը պաշտոնապես ներկայացնելու համար՝ ցույց կտան հետագա զարգացումները:

Ըստ Նիկոլ Փաշինյանի՝ օրենքի ընդունումից հետո Հայաստանի և Եվրամիության միջև պետք է քննարկում լինի ճանապարհային քարտեզի մշակման շուրջ:

Մինչ ճանապարհային քարտեզի ստեղծման շուրջ բանակցությունների մեկնարկը Հայաստանը որևէ անելիք չունի:

Արամ Սարգսյան

Լրահոս

Կիևի զենքի մատակարարները դառնում են հանցակիցներ. Զախարովան՝ Օլեշկիի հարվածի մասին
Կարևոր
Արցախի նախկին ռազմաքաղաքական ղեկավարության դատական ֆարսն է, Բաքուն նոր «զոհեր» է ներկայացրել
Քրեական ոստիկանության մի շարք ծառայողներ պարգևատրվել են (տեսանյութ)
Հրդեհ է բռնկվել դերասան Ջորջ Քլունիի կալվածքում
Կարևոր
Չկա բան, որ Նիկոլն ասել ու չի արել լրիվ հակառակը. Սամվել Ֆարմանյան
Զելենսկին հայտարարել է, որ Ուկրաինային ռազմական մատակարարումները վերսկսվել են
Միշտ կլինեմ մադրիդիստա․ Մոդրիչ
Անդրանիկ Չամիչյանի մոտ հայտնաբերել են բացառապես օրինական իրեր, բայց նրան կալանավորել են 2 ամսով. Քրիստինե Վարդանյան
Եկեղեցու դեմ արշավին միացողը նոր պաշտոն ստացավ
ՔՊ-ականները շարունակում են նոր բնակարաններ ձեռք բերել․ ով է հերթականը
ՄԱԿ-ի Գլխավոր քարտուղարը բարձր է գնահատել Ադրբեջանի և Հայաստանի ղեկավարների հանդիպումը
Պայթյուն է տեղի ունեցել Սյունիքում, 22-ամյա տղա է մահացել
Ընդդիմության թիրախը պետք է լինեն Փաշինյանի հովանավորները. Խոսրով Հարությունյանն ասել է՝ որն է ելքը (տեսանյութ)
Ռուսաստանը սպասում է Ուկրաինայի պատասխանին ուղիղ բանակցությունների երրորդ փուլի առնչությամբ. Պեսկով
Տասնյակ մարդիկ գտնվում են փլատակներում․ ինչ է կատարվում Օլեշկիում
«Ով զենք ունի, ահաբեկիչա՞».Իշխան Սաղաթելյանը՝ կալանավորումների, ՀՅԴ-ն «փակելու» մասին (տեսանյութ)
Խոշոր ավտովթար՝ Տավուշի մարզում․ կա վիրավոր
Խելացնորության այս պայմաններում չեմ բացառում՝ ՀՅԴ-ն փակեն.Սուրեն Սուրենյանց (տեսանյութ)
Եկեղեցին աննախադեպ համախմբվածություն է դրսևորում՝ մեր երկրի համար առաջնահերթ հարցերը բարձրաձայնելով
Պուտինը ուշադրություն չի դարձնում Թրամփի հիստերիաներին (տեսանյութ)

Լրացուցիչ նորություններ

...

Քրեական ոստիկանության մի շարք ծառայողներ պարգևատրվել են (տեսանյութ)

«Ոսկե Ծիրան»-ի բացման արարողության ժամանակ Երևանում որոշ ճանապարհահատվածներ ժամանակավորապես փակ կլինեն

Արարատյան դաշտում և Սյունիքի հովիտներում առաջիկա օրերին սպասվում է բարձր կարգի հրդեհավտանգ իրավիճակ (տեսանյութ)

Մեր որդիական զորակցությունն ենք հայտնում Հայոց Հովվապետին՝ Նորին Սրբություն Գարեգին Բ Ամենայն Հայոց Կաթողիկոսին՝ փոթորկալի այս ժամանակներում․ Քահանայից ժողով

Հայաստանի գլխավոր ռիսկը Փաշինյանն է․ Միլոնով․ ԵՄ-ն կսառեցնի Իսրայելի հետ առևտրային արտոնությունները (տեսանյութ)

Ծառայությունից հեռացնելը բավարար չէ․ նոր մանրամասներ ոստիկանի կողմից լրագրողին հրելու գործից (տեսանյութ)

Աբովյան-Բուզանդի փողոցների խաչմերուկում հետիոտնային անցումը կկարգավորվի լուսացույցով

Սեռական բռնության դեմ պայքարի ոլորտը ՄԻՊ աշխատանքի առաջնահերթություններից է

9 ամսական երեխայի հետ մայրը գնալու է բանտ․ ինչ է կատարվել դատարանում

Նորածին երեխայի մորը կալանավորում են. դատարանի դահլիճում նա լшցում է (տեսանյութ)

«Արթիկ» քրեակատարողական հիմնարկ բերված սառնարանի թաքստոցից հայտնաբերվել են արգելված իրեր

Հանրապետության հրապարակի տարածքում կգործարկվի էլեկտրական շչակ

Ռուսաստանի պետական ​​ակտիվները կմնան սառեցված. Մեծ Բրիտանիան Ուկրաինային կմատակարարի 5000 ՀՕՊ հրթիռ

Ձերբակալվել է 2020-ի նոյեմբերի 10-ին զանգվածային անկարգություններին մասնակցած ևս 7 անձ

Ռուբեն Վարդանյանի իրավnւնքները կոպտորեն խախտվում են. Սիրանուշ Սահակյան

Սառնաղբյուրցի երիտասարդը բակում կանեփ էր աճեցրել. նախաձեռնվել է քրեական վարույթ

Ամենայն Հայոց Կաթողիկոսն ընդունեց ԱՄՆ Հայոց Արևելյան թեմի ուխտավորներին

Եկեղեցի Իշխանություն սկանդալ. քաղաքացիների կարծիքը իրավապահների Վեհարան մտնելու հարցի շուրջ (տեսանյութ)

86 հազար ԱՄՆ դոլարին համարժեք դրամ է փոխանցվել Վերականգնված միջոցների միասնական հաշվին՝ որպես պետությանը պատճառված վնասի վերականգնում. Գլխավոր դատախազություն

ՊՆ Երևան քաղաքի ՌՈ պետի տեղակալին քիչ առաջ Հակակոռուպցիոն կոմիտեն ձերբակալել է