Հնդկաստանի և Մալդիվների Հանրապետության պաշտպանության նախարարներ Ռաջնաթ Սինգհը և Մուհամեդ Ղասսան Մաումունը պայմանավորվել են զարգացնել երկրների միջև պաշտպանական համագործակցությունը՝ հատուկ ուշադրություն դարձնելով ծովային անվտանգության ամրապնդմանը և տեղեկատվության փոխանակմանը: Այս մասին հայտարարել է Հնդկաստանի պաշտպանության նախարարությունը՝ Նյու Դելիում նախարարների հանդիպման արդյունքներով։
«Բանակցությունների ընթացքում երկու կողմերն էլ վերահաստատեցին իրենց ամուր հանձնառությունը սերտորեն համագործակցելու՝ Հնդկաստանի և Մալդիվների միջև համապարփակ տնտեսական և ծովային անվտանգության գործընկերության ընդհանուր տեսլականը կյանքի կոչելու համար», - ասվում է հաղորդագրության մեջ:
Սինգհը «վերահաստատել է Հնդկաստանի հանձնառությունը՝ աջակցելու Մալդիվներին պաշտպանական պատրաստվածության կարողությունների ընդլայնման գործում, ներառյալ պաշտպանական սարքավորումների և նյութերի տրամադրումը», - ասվում է նախարարությունում:
Ըստ Wion հեռուստաալիքի, Հնդկաստանը նրանց խնդրանքով ավելի քան 4 միլիոն դոլար արժողությամբ պաշտպանական սարքավորումներ է նվիրաբերել Մալդիվներին։
