«Ազատ քաղաքացի» հասարակական կազմակերպության նախագահ Հովսեփ Խուրշուդյանը գրում է.
«Ռոմանոս Պետրոսյանի զարմանահրաշ արկածները ՊՎԾ-ում։ ՊՎԾ նախկին աշխատակից Սուսաննա Մուրադյանի Susanna Muradyan ֆեյսբուքյան գրառումը․"Օրվա խորհրդին հետեւելով.
Աստծո պատվիրաններից 9-րդ-ը ես էլ եմ շատ հավանում եւ հետեւում՝ մինչդեռ այլոք խորհուրդ են տալիս եւ իրականում անում հակառակը (չեմ մանրանա, ՔՊ-ում եւ ոչ միայն, այդ մասին շատերն են պատմում):
Անկեղծ ասած 8-րդ-ն էլ եմ շատ հավանում ու փորձել եմ ապրել այդ պատվիրանին հետեւելով (շատ ուսուցողական եւ զգաստացնող է, խորհուրդ եմ տալիս հաճախ կարդալ):Սակայն չշեղվենք.Փաստ 1. Ես եւ Հ. Խուրշուդյանը միմյանց ճանաչում ենք 2007 թվականից, ինչի համար պարտական եմ «Ժառանգություն» կուսակցությանը, այո պայքարել ենք, ձերբակալվել ենք, տարատեսակ այլ հետապնդումների ենք ենթարկվել նախկին իշխանությունների կողմից, շատ բարձր գնահատվել ենք զինակիցների կողմից, ամեն ինչի միջով պատվով եւ արժանապատվությամբ ենք անցել։-ա) անճշտություն
1.Ինձ եւ Հ. Խուրշուդյանին 2018 թ.-ից այլեւս չի միավորում «Ժառանգությունը», մենք համախոհներ եւ գաղափարակիցներ ենք առ այսօր։-բ). անճշտություն
2.«Հետք»-ի հրապարակման առիթը իմ զրույցն էր լրագրողի հետ, կապված իմ աշխատանքից ազատման՝ իմ տեսանկյունից ապօրինի հրամանի հետ, բնականաբար, օգտվելով նաեւ «Ազդարարման համակարգ»-ի կողմից քաղաքացուն ընձեռնված որոշակի հնարավորություններից, ներկայացրել եմ շուրջ երկու տարի ինձ հետապնդելու պատճառ դարձած եւ ի վերջո ապօրինի ազատման նախապատմությունը, այն է՝ «Արմենիա» Բ/Կ-ում նաեւ իմ մասնակցությամբ կատարված ուսումնասիրության արդյունքում իմ կողմից բարձրաձայնված խնդիրների, մասնավորապես՝ հանձնարարագրով ոչ ընտրանքային (ամբողջական) ուսումնասիրությունը գոնե 1301 (սրտի անհետաձգելի վիրահատություններ) ծրագրի մասով թերի լինելու, մինչեւ սեպտեմբերի 20-ը կատարված ուսումնասիրությունը ՀՀ վարչապետին՝ մինչեւ դեկտեմբերի 31-ը ուսումնասիրված լինելու վերաբերյալ տեղեկանք ներկայացնելու մասին։-գ) անճշտություն
3.Իմ կողմից այսպես կոչված «Ծառայողական տեղեկատվության արտահոսքը» հավանաբար իմ կողմից Ազդարարման համակարգի մասին օրենքի ոգուն համապատասխան ներքին ազդարարաման ընթացակարգը անպտուղ անցնելուց հետո նաեւ արտաքին ազդարարման ընթացակարգին դիմելն է, ինչը պարտավոր էի անել այն բանից հետո, երբ ՊՎԾ ղեկավարի հորդորով 16.01. 2023 թ. վերջինիս ուղղված զեկուցագիրը որեւէ կերպ չի քննարկվել, չի դարձել ծառայողական քննության առարկա։
Այդուհանդերձ՝ «Արմենիա» Բ/Կ-ի հետ փոխկապակցված անձը՝ սոցիալական ոլորտի վերահսկողության վարչության պետը, տեղափոխվել է այլ վարչություն եւ ես շարունակել եմ իմ աշխատանքը։Բայց «տղերքը» հո չէի՞ ն կարող ինձ ներել՝ պատկան մարմիններին որոշ բաներ տեղեկացնելս։ «Արմենիա» Բ/Կ-ի ուսումնասիրությունից ավելի քան մեկ տարի հետո, Ռ. Պետրոսյանի տեղակալ Անրի Վարդանյանի զեկուցագրի հիման վրա նախաձեռնվում է ժամանակավրեպ (նաեվ օրենքի տեսանկյունից) ծառայողական քննություն։
ՊՎԾ ղեկավարի նախաձեռնությամբ առգրավում են համակարգիչս եւ վերջինիս նախաձեռնությամբ էլ գրություն է գրվում ՀՀ գլխավոր դատախազ Ա. Վարդապետյանին՝ նշելով, մասնավորապես՝ «Այսպիսով, նկատի ունենալով, որ ծառայողական քննության արդյունքները բավարար հիմք են տալիս ենթադրելու, որ իրավասու պաշտոնատար անձի գործողություններում (այս դեպքում իմ) առերեվույթ առկա են ՀՀ քրեական օրենսգրքի 441-րդ եւ 446-րդ հոդվածներով նախատեսված, ինչպես նաեւ այլ հանցակազմերի հատկանիշներ, Ձեզ եմ ներկայացնում ծառայողական քննության նյութերը, այդ թվում եզրակացությունը, հետագա ընթացքը որոշելու նպատակով։» (Դատախազին ուղղված գրությունը կարդալ մեկնաբանություններ բաժնում)Այսպիսով՝ իմ բարձրաձայնած խնդրի առիթով մոտ 1,5 տարի հետո քրեական վարույթ է նախաձեռնվում հենց իմ դեմ (ես՝ միամիտս կարծում էի, թե 2018- ին այդ ու նմանատիպ բարքերը մերժել ենք):
Հետեվաբար «Ծառայողական տեղեկատվության արտահոսք» ասելով ՊՎԾ ղեկավարը հավանաբար նկատի ունի Հակակոռուպցիոն կոմիտեի քննիչի պահանջով իմ կողմից ներկայացված վարույթի շրջանակներում ներկայացման համար պարտադիր համարվող փաստաթղթեր ներկայացնելը, այդ թվում այնպիսիք, որոնք ՊՎԾ-ն «մոռացել էր» ներկայացնել, օրինակ՝ ՊՎԾ կողմից ուշացումով ինձ ուղարկած պատասխանը այն մասին, որ «Արմենիա» Բ/Կ-ում ուսումնասիրվել է 2020-2021թթ. ուսումնասիրության ենթակա ողջ նյութը (ոչ ընտրանքային), հետագայում իրենք իրենց հերքելով, որ ահռելի ծավալ ունեցող նյութը հնարավոր չի եղել ուսումնասիրել ամբողջությամբ։
Փաստ 2.
Որքան որ հնարավոր է տեղեկանալ Youtube-ում հասանելի լրատվականների նյութերից՝ ՊՎԾ ղեկավարը անվերջ հերքում է անհերքելին, նույնիսկ այնպիսի փաստեր, որոնք ամրագրված են իր իսկ որոշումներով եւ հասանելի են։ա) անճշտություն 1. «Հետք»-ի ինֆորմացիայի աղբյուրը միայն ես չեմ ու կարծում եմ ծիծաղելի է մեդիա դաշտում իր ուրույն տեղն ամրագրած լրատվամիջոցին թերագնահատել։ Ինչ վերաբերում է ՊՎԾ հնարավոր հայցին դատարան, կարծում եմ ճիշտ որոշում է, որին կհետեւի առնվազն իմ հակընդդեմ հայցը եւ այո, արդեն ոչ միայն «Արմենիա» Բ/Կ-ի ուսումնասիրության մասով եւ անկախ՝ դատական դեպարտամենտներում շահարկվող անուններից։
Փաստ3.
«Հայեցողական հաստիքներ համալրելը վերապահված է ՊՎԾ ղեկավարին» եւ ինչպես վերջինս է նշում՝ իր վստահելի կադրերով, այդ թվում քաղաքական նպատակահարմարությամբ։
-ա) անճշտություն 1. դժվար է հավատալ, որ ՊՎԾ ղեկավարը հնարավոր է համարում, որ վստահելի կադրերը՝ դրանք պետբյուջեից ամենաբարձր՝ 4,75 գործակցով աշխատավարձ ստացող օրինակ՝ իր մորաքրոջ տղան է, իր կնոջ քեռու տղան է, իր կնոջ ընկերուհու ամուսինն է, իր եղբոր բանակային ընկերն է, իր միջնակարգ կրթությամբ իրավախորհրդատու նշանակված համադասարանցին է եւ այսպես եվս մեկ տասնյակ։
Ինչ վերաբերում է մասնագիտացված ստորաբաժանումներին եւ դրանց կազմին՝ մանրամասն չեմ անդրադառնա, միայն կնշեմ, որ այն վարչությունում (սոցիալական ոլորտի վերահսկողության վարչություն) որը ուսումնասիրություն է իրականացնում նաեւ առողջապահության ոլորտում եւ որ ըստ իրենց այդ համակարգում ամբողջական ուսումնասիրություն չեն կարողանում իրականացնել ծանրաբեռնվածության պատճառով, Ռ. Պետրոսյանի օրոք ընդունվել են հղիության վերջին ամիսներին գտնվող երկու կին (ամենայն հարգանքով հղիություն ունեցող ցանկացած մեկի հանդեպ), որոնք ընդունվելուց կարճ ժամանակ անց ձեւակերպել են իրենց նախածննդյան եւ հետծննդյան արձակուրդները (թե ովքեր են եւ ինչու են ընդունվել՝ հետեվությունները թողնում եմ ընթերցողին):
Դե որ թեման ես չեմ բացել՝ ասեմ նաեւ, որ մրցույթներում իրական մասնագետներին «հաղթում» եւ մասնագիտական ստորաբաժանումներում նշանակվում են օրինակ՝ լեզվաբան, պատմության ուսուցիչ, կովկասագետներ, աստվածաբան, կերպարվեստի պատմության մասնագետ, միջազգայնագետ եւ այլն….հա ու տարօրինակ զուգադիպությամբ Կոտայքի մարզի, հաճախ Աբովյան քաղաքի հաշվառում ունեցող, մի քանիսը՝ ավագանիներ։
Փաստ 4.
Այո՛ ՊՎԾ ղեկավարի հաղորդմամբ է գործ հարուցվել Հակակոռուպցիոն կոմիտեում եւ այո՛ ի պատիվ վերջիններիս՝ կարճվել է՝ որեւէ հանցակազմ չլինելու հիմքով, սակայն ՊՎԾ ղեկավարը կարծես անընդհատ մոռանում է նշել, որ « ԳՈՐԾԸ ՀԱՐՈւՑԵԼՈւ ՆԱԽԱՁԵՌՆՈՂԸ ԵՂԵԼ ԵՆ ԻՐԵՆՔ, ՄԵՂԱԴՐԵԼ ԵՆ ՍՈւՍԱՆՆԱ ՄՈւՐԱԴՅԱՆԻՆ, ԿԱՐՃՎԵԼ Է, ՈՐՈՎՀԵՏԵՎ ՉԷՐ ԿԱՐՈՂ ՉԿԱՐՃՎԵԼ՝ ՉՈՒՆԵՆԱԼՈՎ ՈՐԵՒԷ ՀԻՄՔ»…Որովհետեվ որեւէ հանցակազմ իմ մասով չի եղել եւ չէր կարող լինել։
ՊՎԾ ղեկավարը «մոռանում է» դնել նաեվ՝ կարճմանը կից այն կտորը՝ 1301 ծրագիրը ամբողջությամբ ստուգված չլինելու, բայց Վարչապետին՝ ամբողջությամբ, մինչեւ դեկտեմբերի 31-ը ստուգված ներկայացնելու մասով։ (կարճման որոշման համապատասխան հատվածը տես մեկնաբանություններում):
Արժե հիշեցնել ՊՎԾ ղեկավարին, որ սա առաջին եւ միակ դեպքը չէ հանրությանը ոչ ճիշտ տեղեկատվություն ներկայացնելու վերաբերյալ, թվեմ մեկ օրինակ՝28.12.2022թ. 1-ին լրատվականին տված հարցազրույցում ՊՎԾ ղեկավարը նշում է, որ բժշկական կենտրոնների ուսումնասիրության արդյունքում առ այդ պահը արձանագրվել է 500 միլիոն դրամի խախտում, որից 350 միլիոնը վերականգնվել է։ 27.03.2023 թ.՝ երեք ամիս հետո իր ՖԲ էջում գրել է, որ 6 խոշոր Բ/Կ-ներում 542 միլիոն դրամի խախտում է արձանագրվել, որից 119 միլիոնը արդեն վերականգնվել է, իսկ օրինակ՝ 2023 թ. նոյեմբերի 1- ճեպազրույցում խոսքը միանգամայն այլ թվի մասին է, իսկ 27.06. 2024թ. իր ՖԲ էջում գրել է,
«Մեր գործունեության ընթացքում առողջապահության համակարգում ֆիքսվել է 600 միլիոն դրամի խախտում, որից պետ. բյուջե վերականգնվել է 244 միլիոն դրամ եվ քաղաքացիներին է վերադարձվել 56 միլիոն դրամ։«Հետք»-ին տված տեղեկանքում ՊՎԾ-ն նշել է, որ բժշկական կենտրոնների ուսումնասիրությունների արդյունքում 634 միլիոն դրամի խախտում է արձանագրվել, որից 256 միլիոնը արդեն վերականգնվել է պետ. բյուջե։ Ենթադրվում է, որ այս թվի մեջ է ներառված մինչեւ Ռոմանոս Պետրոսյանի պաշտոնի նշանակվելը «Նաիրի» Բ/Կ-ի պետ. բյուջե վերականգնած մոտ 30 միլիոն դրամը եւ իմ կողմից «Արմենիա» Բ/Կ-ի ուսումնասիրության հարցը բարձրաձայնելուց հետո՝ 2018 թվականին ՊԱԳ-ի կողմից արձանագրած խախտումների գումարից որոշակի X գումար: Հիմա հարկավոր է ուղղակի համադրել 2022 թվականի դեկտեմբերի եւ 2024 թվականի հունիսի իրենց կողմից հայտարարած թվերը եւ տեսնել իրական պատկերը։
Փաստ 5
Այստեղ համաձայն եմ ՊՎԾ ղեկավարի այն պնդման հետ, որ այո՜, ՀՀ-ն իրավական պետություն է եւ ունենալով ենթադրյալ հովանավորչության վերաբերյալ իմ տեսանկյունից հիմնավոր կասկածներ, պատշաճ ընթացակարգերով դիմել եմ նախ ՊՎԾ ղեկավարին, շուրջ 2,5 ամիս պատասխան չունենալով, վերադասության կարգով տեղեկացրել եմ այլ պատկան մամինների, արդյունքում գոնե «Արմենիա» Բ/Կ-ի հետ փոխկապակցված վարչության պետը տեղափոխվել է այլ վարչություն։
Եթե օրենքով սահմանված ժամկետներում եւ ընթացակարգերով կատարվեր ծառայողական անաչառ քննություն, ապա առնվազն տույժի կենթարկվեին այն պաշտոնատար անձինք, որոնք խախտելով ՊՎԾ 19.11.2020թ. թիվ 132-Լ հրամանով հաստատված ՊՎԾ ուսումնասիրություններ իրականացնելու կարգը (այսուհետ՝ Կարգ) եւ տեղեկանքների կազմման ուղեցույցը, խախտել են՝
ա) Կարգի 14-րդ կետը (տես մեկնաբանություններում 14րդ կետը), ինչը տվյալ ուսումնասիրության ընթացքում չի կատարվել։բ) Կարգի 25-րդ կետը (տես մեկնաբանություններում 25-րդ կետը), ինչը չի կատարվել, ՊՎԾ-ից ներգրավված խմբի անդամներից որեւէ մեկը չի ներկայացրել միջանկյալ արձանագրություն, քանի որ քննարկում չի եղել եւ պահանջ չի եղել, ավելին՝ ես եմ անընդհատ խմբի ղեկավարին անհանգստացրել այդ հարցով։
Տեղեկանքը ամփոփվել է առանց միջանկյալ արձանագրությունների, որոնք պետք է տեղեկանքի հիմքը հանդիսանային։գ) խախտվել է Կարգի 27-րդ կետը (տես մեկնաբանություններում 27-րդ կետը)դ) խախտվել է Կարգի 29-րդ կետը (տես մեկնաբանություններում 29-րդ կետը):
Հ.Գ. իմ ողջ գիտակցական կյանքում եւ գործունեության ընթացքում ղեկավարվել եմ բացառապես պետական շահով, մինչեւ 2018-ն ընկած քաղաքական գործունեության ընթացքում՝ հարցազրույցներում, հարթակներից անխնա քննադատել եմ նախկին ռեժիմը եւ իմ բազմաթիվ ընկերների հետ իմ ուրույն ներդրումն եմ ունեցել 2018-ի հեղափոխությանը (չնայած՝ ոնց որ ասում են՝ хотели как лучше, получилось…,)
Իմ ծառայությունը շարունակել եմ ՊՎԾ-ում եւ մինչ 2021-ի դեկտեմբերը ունեցել եմ Ծառայության 3 ղեկավար, որոնք գնահատել են իմ մատնագիտական եւ մարդկային որակները եւ վստահել են ինձ։Ինչպես որ անհաշտ եղել եմ կոռուպցիայի, հովանավորչության, այլ հոռի երեւույթների նկատմամբ մինչեւ 2018-ը, շարունակելու եմ իմ ներդրումն ունենալ նման դեպքերն ու անձանց ջրի երես հանելու գործընթացին՝ ցանկացած կարգավիճակում եւ անկախ իմ անձի նկատմամբ հետապնդումներից։
Հա չմոռանամ, ինձ ավելի հոգեհարազատ է 3-րդ պատվիրանը՝ «Տեր Աստծո անունը զուր տեղը չպիտի արտասանես»»։
