Ավստրիայի կառավարությունը կգլխավորի նոր կանցլերը կառավարության ներկայիս ղեկավար Կարլ Նեհամերի հրաժարականից հետո։ Այս մասին հայտարարել է հանրապետության նախագահ Ալեքսանդր Վան դեր Բելենը, նրա խոսքերը հեռարձակել է Austria Presse-Agentur-ը։
«Այն բանից հետո, երբ Կարլ Նեհամերը կլքի իր պաշտոնը, Ավստրիան նոր կանցլեր կունենա անցումային շրջանի ընթացքում, նա իր պարտականություններին կանցնի հաջորդ շաբաթ»,- ասել է պետության ղեկավարը։
Նախագահը նոր կանցլերի թեկնածության վերաբերյալ լրացուցիչ մանրամասներ չի հայտնել։
Ավելի վաղ Ավստրիայի կանցլեր Կարլ Նեհամերը հայտարարել էր իր հրաժարականի մասին անցյալ սեպտեմբերին կայացած ընտրություններից հետո կառավարություն ձևավորելու վերաբերյալ բանակցությունների ձախողման ֆոնին: Նա խոստացել է հեռանալ Ժողովրդական կուսակցության առաջնորդի պաշտոնից։
