Թուրքական լրատվամիջոցները հաղորդում են հեղաշրջման փորձի մեջ մեղադրվող իրավապահների նկատմամբ հետաքննություն անցկացնելու մասին։ Թուրքիայի նախագահ Ռեջեփ Թայիփ Էրդողանը, ըստ լրագրողների, արտակարգ խորհրդակցություն է անցկացրել հետախուզության և արդարադատության նախարարության ղեկավարների հետ և այսօր կարող է ելույթ ունենալ այդ թեմայով ընդլայնված կազմով։
Ինչպես հայտնում է Sabah թերթը, հետաքննությունն իրականացնում է Անկարայի դատախազությունը։ Գործի շրջանակներում մայիսի 14-ին խուզարկություններ են իրականացվել ժամանակավոր պաշտոնանկ արված մի քանի ոստիկանների բնակարաններում։ Նրանք մեղադրվում են «Այխան Բորա Կապլան» հանցավոր խմբին առնչություն ունենալու մեջ։
TRT Haber հեռուստաալիքի փոխանցմամբ՝ հետաքննությունն իրականացվում է «Պաշտոնեական դիրքի չարաշահում», «Արդար դատաքննության և վկայի վրա ազդելու փորձ» և «Հանցագործին աջակցություն ցուցաբերելու» հոդվածներով։ Լրատվամիջոցների հաղորդման համաձայն՝ հետաքննության ընթացքում Թուրքիայի ներքին գործերի մարմիններում զանգվածային կրճատումներ են տեղի ունեցել։
Թուրքական ազգայնական կուսակցության առաջնորդ Դևլեթ Բահչելին, մեկնաբանելով հայտնված տեղեկությունը, ասել է, որ պաշտոնանկությունները կարող են բավարար չլինել, քանի որ խոսքը հեղաշրջման փորձի մասին է։
