Հունգարիայի վարչապետ Վիկտոր Օրբանը պատրաստ է հանդիպել Վլադիմիր Զելենսկիի հետ Բրյուսելում ԵՄ գագաթնաժողովի ժամանակ՝ քննարկելու նրա առաջարկը՝ Սուրբ Ծննդյան օրերին Ուկրաինայի և Ռուսաստանի միջև հրադադարի մասին։
«Ես աշխատում եմ սպասման ռեժիմում և քնում եմ սպասման ռեժիմում, միշտ պատրաստ եմ ցանկացած բովանդակալից քննարկման», - ասել է կառավարության ղեկավարը՝ պատասխանելով հարցին, թե պատրաստ է արդյոք Զելենսկիի հետ քննարկել իր խաղաղապահ նախաձեռնությունը։
Այս մասին Օրբանին հարցրել են Եվրախորհրդարանի պատգամավորների «Եվրոպայի հայրենասերներ» խմբակցությանը Բրյուսելում ունեցած ելույթի ժամանակ, որը տեղի է ունեցել ԵՄ առաջնորդների հանդիպման մեկնարկից առաջ։
Ինչպես հայտնում է MTI-ն, վարչապետն իր խաղաղապահ նախաձեռնության առնչությամբ ասել է, որ «քաղաքականության մեջ կան ավելի դժվար պահեր, բայց երբեմն պետք է որոշակի հնարավորություն տալ նաև պարզ, համոզիչ առաջարկներին»։
