Փարիզում եւ այլ քաղաքներում ընտրությունների նախնական արդյունքների հրապարակումից հետո անկարգություններ են սկսվել, տեղեկացրել է Le Figaro-ն։Մասնավորապես, բախումները ոստիկանության հետ սկսվել են Փարիզի Հանրապետության հրապարակում, որտեղ տեղի էր ունենում ձախ «Նոր ժողովրդական ճակատի» հանրահավաքը։Ձախ արմատականների խումբը գրոհել է ոստիկանությունը ճայթռուկներով եւ քարերով, իսկ ի պատասխան ոստիկանները կիրառել են արցունքաբեր գազ եւ աղմկային նռնակներ։Հայտնի է առնվազն մեկ ձերբակալվածի մասին։ Կոտրվել են մի քանի խանութների եւ բանկերի փեղկերը։Նշենք, որ Նանտում եւս տեղի են ունեցել բախումներ ոստիկանության հետ։ Այստեղ հայտնի է երեք ձերբակալվածի մասին, մեկ ոստիկան այրվածքներ է ստացել։Բացի այդ, լարված իրավիճակ է պահպանվում Լիոնում, որտեղ փողոցներում կազմակերպված խմբերով տեղաշարժվում են աջ արմատական «Ազգային միավորման» կողմնակիցները։Հիշեցնենք, որ կիրակի, հուլիսի 7-ին, Ֆրանսիայում ավարտվել է Ազգային ժողովի (խորհրդարանի ստորին պալատ) ընտրությունների երկրորդ փուլը։ Էքզիթ-փոլերի տվյալներով՝ Մարին լը Պենի կուսակցությունը, որը հայտնի է իր ռուսամետ հայացքներով եւ հայտարարություններով, պարտություն է կրել, նա երրորդ տեղում է եւ կարող է ակնկալել միայն 120-150 մանդատ։Ընտրություններում առաջին տեղը զբաղեցնում է ուլտրաաջ «Նոր ժողովրդական ճակատը», իսկ երկրորդ տեղում Էմանուել Մակրոնի նախագահական կոալիցիան է։
Ֆրանսիայում ընտրություններից հետո տեղի են ունեցել անկարգություններ, ոստիկանությունը գազ եւ նռնակներ է կիրառել
08.07.2024 10:42 |
Կատեգորիա
Պատահարներ
