Թբիլիսիում՝ Վրաստանի խորհրդարանի շենքի մոտ տեղի ունեցող բողոքի ցույցի մասնակիցները կրկին սկսել են հրատեխնիկա և քարեր նետել բարձրագույն օրենսդիր մարմնի պատուհանների և բակի ուղղությամբ: Հայտնում է «Ինտերֆաքսի» թղթակիցը։
Ներքին գործերի նախարարության աշխատակիցները, վահաններով պաշտպանվելով քարերի հարվածներից, փորձում են թույլ չտալ, որ երիտասարդները մոտենան շենքին։ Պարբերաբար ոստիկանությունը հրշեջ խողովակ է օգտագործում՝ ջուր ցողելու մոտեցող ցուցարարների վրա:
Իրենց հերթին ցուցարարները լազերային սարքերով փորձում են կուրացնել իրավապահներին՝ շարունակաբար հրատեխնիկա կիրառելով ու քարեր նետելով դեպի խորհրդարանի պատուհանները։
