Սիրիան շարունակում է պաշտպանել իր տարածքային ամբողջականությունը և ի վիճակի է ընկերների և դաշնակիցների օգնությամբ ոչնչացնել ահաբեկիչներին, հայտարարել է Սիրիայի նախագահ Բաշար ալ Ասադը ԱՄԷ նախագահ Մուհամմեդ բեն Զայեդ Ալ Նահյանի (Mohammed bin Zayed Al Nahyan) հետ զրույցում։ Սիրիայի ղեկավարի գրասենյակի հաղորդագրության համաձայն՝ Ասադը և իր էմիրությունների գործընկերը հեռախոսազրույց են ունեցել, որի ընթացքում քննարկել են Սիրիայում վերջին զարգացումները և մի շարք տարածաշրջանային խնդիրներ։
«Նախագահ Ասադը զրույցի ընթացքում ընդգծել է, որ Սիրիան շարունակում է պաշտպանել իր կայունությունն ու տարածքային ամբողջականությունը բոլոր ահաբեկիչներից և նրանց աջակցողներից և կարող է դաշնակիցների և ընկերների օգնությամբ հաղթել և ոչնչացնել նրանց», - ասվում է Ասադի գրասենյակի տարածած հաղորդագրության մեջ:
