Սիրիական իշխանությունները շաբաթ օրը փակել են Հալեպի օդանավակայանը, ինչպես նաև քաղաք տանող բոլոր ճանապարհները, հայտնում է Reuters-ը:
Ռուսաստանը՝ Ասադի կարևոր դաշնակիցներից մեկը, Դամասկոսին խոստացել է լրացուցիչ ռազմական օգնություն, որպեսզի խանգարի իսլամիստներին, տեղեկացրել են երկու զինվորական աղբյուրները՝ ավելացնելով, որ նոր տեխնիկան կստացվի առաջիկա 72 ժամում։ Սիրիական բանակին հրամայվել է կատարել «անվտանգ դուրսբերման» հրամանը քաղաքի հիմնական շրջաններից, որտեղ ներխուժել են իսլամիստները:
Ավելի վաղ հայտնի էր դարձել, որ թուրքամետ իսլամիստական խմբավորումները, որոնք կռվում են Բաշար ալ-Ասադի կառավարական ուժերի դեմ, անսպասելի հարձակում են սկսել Սիրիայի հյուսիս-արևմուտքում։
Մարտերը վերսկսվել են նաև Իդլիբ նահանգի Սարաքիբ քաղաքի մոտակայքում։ Ապստամբությունը գլխավորում է «Հայաթ Թահրիր ալ-Շամ» արմատական խմբավորումը, որը Ալ-Քաիդայից անջատվել է 2017 թվականին։
