Լավրովը ԲՐԻԿՍ-ի շրջանակում հանդիպել է Չինաստանի արտգործնախարար Վան Իի հետ

10.06 20:05 | Կատեգորիա Ռուսաստան

ՌԴ արտգործնախարար Սերգեյ Լավրովը Նիժնի Նովգորոդում ԲՐԻԿՍ-ի շրջանակում հանդիպել է Չինաստանի արտգործնախարար Վան Ին։ Այս մասին հայտնում է ՏԱՍՍ-ը։Ըստ ТАСС-ի՝ հանդիպման ընթացքում Լավրովը նշել է, որ Ռուսաստանի և Չինաստանի միջև համագործակցությունն աշխարհի երկրների մեծ մասն ավելի ու ավելի դրական է ընկալում։ Միաժամանակ ավելանում է ԲՐԻԿՍ-ի և Շանհայի համագործակցության կազմակերպության հետ համագործակցել ցանկացողների շրջանակը։ Վան Ին իր հերթին հայտարարել է, որ Ռուսաստանի Դաշնության և Չինաստանի Ժողովրդական Հանրապետության գլխավոր խնդիրը երկու պետությունների ղեկավարների միջև կնքված համաձայնագրերի իրագործումն է, ինչպես նաև բազմակողմ համագործակցության առաջմղումը։Չինացի դիվանագետը հավելել է, որ զարգացող երկրների ընդհանուր շահերը պաշտպանելու համար անհրաժետ է բազմակողմ կառույցներում ամրապնդել ռուս-չինական կոորդինացիան։Վան Ին ընդգծել է, որ երկու երկրների համագործակցությունն ուղղված չէ որևէ արտաքին երկրի դեմ և ենթակա չէ արտաքին միջամտության։Սա ԲՐԻԿՍ-ի անդամ երկրների արտգործնախարարների առաջին հանդիպումն է անցյալ տարի ասոցիացիայի ընդլայնումից հետո։ Հանդիպումից հետո նախարարների հանդիպման համատեղ հայտարարություն կպատրաստվի։Ներկայում ԲՐԻԿՍ-ի անդամներն են Բրազիլիան, Ռուսաստանը, Հնդկաստանը, Չինաստանը, Հարավային Աֆրիկան, Եգիպտոսը, Իրանը, ԱՄԷ-ն, Սաուդյան Արաբիան և Եթովպիան: Աշխարհի ևս մոտ 30 երկիր ցանկություն է հայտնել այս կամ այն ձևաչափով համագործակցել կազմակերպության հետ։

Լրահոս

00:30

Ադրբեջանական գազը կարտահանվի Սիրիա․ ինչպես է նոր գազատարը փոխելու Մերձավոր Արևելքը

00:20

Եվրոպան ծնկի իջավ Թրամփի առջև, կնքեց գործարքը․ Գորկա

00:17 Կարևոր

Մարդուն անվանում են ահաբեկիչ, հսկայական մեդիաարշավ կազմակերպում, որոշ ժամանակ անց բաց են թողնում. պատգամավոր

00:11

Մեկ օրում բացահայտվել է հանցագործության 118 դեպք

00:10 Կարևոր