Հունգարիայի վարչապետ Վիկտոր Օրբանն ուրբաթ օրը կրկին հեռախոսազրույց է ունեցել ԱՄՆ նորընտիր նախագահ Դոնալդ Թրամփի հետ, ում հետ հույսեր է կապում Ուկրաինայի հակամարտության կարգավորման հարցում։
«Բուդապեշտում ես արգասաբեր հանդիպում ունեցա Ռումինիայի վարչապետ Մարսել Չիոլակուի հետ և նախագահ Դոնալդ Թրամփի հետ»,- գրել է Օրբանը X-ի իր էջում:
Հունգարիայի վարչապետը չի բացահայտել Թրամփի հետ զրույցի բովանդակությունը։ Վերջին անգամ նրանք հեռախոսով խոսել են նոյեմբերի 5-ին ԱՄՆ նախագահական ընտրություններում հանրապետական թեկնածուի հաղթանակից անմիջապես հետո։
Օրբանը բացահայտորեն աջակցել է Թրամփին իր նախընտրական արշավի ժամանակ և վստահություն հայտնել, որ երբ նա վերադառնա Սպիտակ տուն, կհասնի Ուկրաինայում ռազմական գործողությունների դադարեցմանը։
