ՆԱՏՕ-ի երկրներն ինքնուրույն են որոշում՝ արդյո՞ք չեղյալ համարել Ռուսաստանի տարածքին հարվածելու համար Ուկրաինայի կողմից զենքի կիրառման սահմանափակումները։ Այս մասին հայտարարել է ՆԱՏՕ-ի գլխավոր քարտուղար Մարկ Ռյուտեն՝ ժամանելով Բրյուսելում ԵՄ պաշտպանության նախարարների հանդիպմանը։
«Դա առանձին դաշնակիցների որոշումն է, թե ինչ անել: Ես չեմ խոսի այն մասին, թե ինչ պետք է անեն դաշնակիցները», – ասել է նա:
Գլխավոր քարտուղարը հավելել է, որ անհրաժեշտ է համարում «ընդհանուր առմամբ որոշումների մասին հնարավորինս քիչ հրապարակայնորեն տեղեկացնել՝ թշնամուն ավելի իմաստուն չդարձնելու համար»։
Ռյուտեն նաեւ նշել է, որ ԵՄ պաշտպանության նախարարների հանդիպմանը կքննարկվի Ուկրաինային օգնության ավելացման հարցը։
«Մենք կքննարկենք, թե ինչպես կարող ենք օգնել Ուկրաինային հաղթել»,- հավելել է նա։
