Նոյեմբերի 18-ին, ՄԱԿ-ի 79-րդ նստաշրջանի ընթացքում, ՄԱԿ Գլխավոր ասամբլեան բանաձև ընդունեց Միավորված ազգերի կազմակերպության և Հավաքական անվտանգության պայմանագրի կազմակերպության միջև համագործակցության մասին: Փաստաթղթում ընդգծվում է, որ ՀԱՊԿ-ը զգալի գործնական ներդրում է կատարում իր խաղաղապահ ներուժի և տարածաշրջանային անվտանգության ու կայունության համակարգի ամրապնդման, ահաբեկչության և կազմակերպված անդրազգային հանցավորության հակազդման, թմրանյութերի և զենքի ապօրինի շրջանառության, մարդկանց անօրինական միգրացիայի և առևտրի դեմ պայքարի և բնական ու տեխնածին աղետների հետևանքների վերացման գործում, ինչը նպաստում է Միավորված ազգերի կազմակերպության նպատակների և սկզբունքների իրագործմանը:
Գլխավոր ասամբլեան ՄԱԿ-ի Գլխավոր քարտուղարին առաջարկել է այսուհետ ևս կանոնավոր խորհրդակցություններ անցկացնել ՀԱՊԿ գլխավոր քարտուղարի հետ ՝ երկկողմ շփումների և տարբեր ձևաչափերի համաժողովների շրջանակներում: ՄԱԿ-ը և ՀԱՊԿ-ը կշարունակեն փոխգործակցությունը ՝ ի շահ ՄԱԿ-ի գլոբալ հակաահաբեկչական ռազմավարության հետևողական և համապարփակ իրականացման: Երկու կազմակերպություններն էլ կուսումնասիրեն խաղաղության պահպանման ոլորտում փոխգործակցության հետագա զարգացման հնարավոր ուղիները։
ՄԱԿ-ի Գլխավոր ասամբլեան որոշել է իր 81-րդ նստաշրջանի նախնական օրակարգում ներառել «Միավորված ազգերի կազմակերպության եւ տարածաշրջանային եւ այլ կազմակերպությունների միջեւ համագործակցություն» վերտառությամբ կետի շրջանակներում «Միավորված ազգերի կազմակերպության եւ Հավաքական անվտանգության պայմանագրի կազմակերպության միջեւ համագործակցություն» վերտառությամբ ենթակետը:
Ստորև ներկայացված է ՄԱԿ-ի Գլխավոր ասամբլեայի բանաձևը՝ ՄԱԿ-ի և ՀԱՊԿ-ի միջև համագործակցության մասին:
